تۇركىستان وبلىسى قازىعۇرت اۋدانىنىڭ پوليتسياسىندا جۇمىس ىستەيتىن جىگىتتەر ادىلدىك ىزدەيدى. بۇل تۋرالى زاڭگەر ايگۇل ورىنبەك Facebook-پاراقشاسىنا جازىپ، بەينەباقىلاۋ كامەراسىنا ءتۇسىپ قالعان ۆيدەونى ءبولىستى، دەپ حابارلايدى “ادىرنا” ۇلتتىق پورتالى.
پوليتسياسى باسشىسى جۇمىستا شولاق شالبار، مايكامەن جۇرەتىن كورىنەدى. ۆيدەودا «مەكەمە باسشىسى» دەپ وتىرعان ادام ءۇش قىزمەتكەرمەن كەلە جاتىپ ءوتىپ بارا جاتقان پوليتسەيدى يتەرىپ جىبەرەدى.
«مىناۋ ۆيدەونى قازىعۇرت اۋدانى ىشكى ىستەر بولىمىندە جۇمىس ىستەيتىن جىگىتتەر جىبەردى!
ء“بىزدى باستىقتىڭ ورىنباسارى الدابەرگەنوۆ كليچكاسى “ كيللەر” ءبىزدى كابينەتىنە كىرگىزىپ ۇرادى. بىزدەن، سوسىن ۋچاسكىلىك قىزمەتكەرلەردەن قورقىتىپ اقشا جينايدى. ءبىز تۇگىلى گەنەرالدار قورقادى بۇدان “، دەپ مەنەن كومەك سۇراپ وتىر.
بەرىك اسىلوۆ مىرزا مىنا جىگىتتەرگە ءسىز عانا كومەك بەرە الاسىز!
سەبەبى قر ىشكى ىستەر مينيسترلىگى / مينيستەرستۆو ۆنۋترەننيح دەل رك وزىندىك قاۋىپسىزدىك باسشىسى ارمان سادانوۆ جۇمىس ىستەۋدى قويعان. بۇنداي پروبلەما شىقسا ءوزارا ءجاي ىشتەن جاۋىپ قويا سالاتىنىن بىلگەن سوڭ، مىنا قىزمەتكەرلەر ءتۇن ورتاسىندا ماعان شىعىپ وتىر دەپ ويلايمىن!
تۇركىستان وبلىسى مەن شىمكەنت پوليتسيا قىزمەتكەرلەرىنىڭ ىشكى قۇرامداعى جاعدايدىڭ ءماز ەمەس ەكەنىن، ءبىر ەمەس بىرنەشە رەت مارات احمەتجانوۆقا تىكەلەي ايتقىم كەلگەن. بىراق ول كىسى تىڭداعىسى كەلمەدى مە ، مەنى قابىلدامادى! پوليتسيا قىزمەتكەرلەرىنىڭ وزدەرى وسىلاي تاياققا جىعىلىپ، قۇقىقتارى تاپتالىپ جاتسا، ولار حالىقتىڭ قۇقىعىن قالاي قورعايدى؟»، - دەپ جازدى زاڭگەر.
بۇل جايتقا قاتىستى تۇركىستان وبلىسىنىڭ پوليتسيا دەپارتامەنتى وكىلدەرى جاۋاپ بەردى. ۆيدەوعا قاتىستى شۇعىل تۇردە ارنايى كوميسسيا قۇرىلعان.
“قازىعۇرت اپب-دا ءتيىستى تەكسەرۋ جۇمىستارىن جۇرگىزىپ جاتىر. كوميسسيا قۇرامىندا تۇركىستان وبلىسى پد باستىعىنىڭ ورىنباسارى، وزىندىك قاۋىپسىزدىك باسقارماسىنىڭ باستىعى جانە تاعى دا باسقا ءتيىستى ماماندار بار. تياناقتى تەكسەرۋ جۇمىستارى جۇرگىزىلىپ، زاڭدى شەشىم قابىلداناتىن بولادى. بۇل جايت دەپارتامەنت باستىعى مۇرات قابدەنوۆتىڭ باقىلاۋىندا، - دەپ جاۋاپ بەردى پد وكىلدەرى.
