بۇگىندە ەنەرگيا رەسۋرستارىن ءتيىمدى پايدالانۋ ماسەلەسى بۇكىل الەمدە وزەكتى بولىپ وتىر. كۇننەن-كۇنگە ەنەرگياعا دەگەن سۇرانىس ارتىپ، تابيعي رەسۋرستاردىڭ شەكتەۋلى ەكەنى انىق سەزىلۋدە. وسىعان بايلانىستى ەنەرگيا تيىمدىلىگى مەن جاسىل ەكونوميكاعا كوشۋ – ۋاقىت تالابى.
قازاقستاندا دا بۇل باعىت بىرتىندەپ دامىپ كەلەدى. دەگەنمەن، كەيبىر سالالاردا ەنەرگيانى ۇنەمدەۋ مادەنيەتى ءالى دە تولىق قالىپتاسپاعانى بايقالادى. كوپ جاعدايدا ەلەكتر ەنەرگياسى مەن جىلۋ رەسۋرستارى ءتيىمسىز پايدالانىلىپ جاتادى. بۇل تەك ەكونوميكالىق شىعىنعا عانا ەمەس، قورشاعان ورتاعا دا كەرى اسەرىن تيگىزەدى. ەنەرگيا تيىمدىلىگى دەگەنىمىز – از رەسۋرس جۇمساي وتىرىپ، جوعارى ناتيجە كورسەتۋ. ياعني، بۇرىنعىداي كوپ ەنەرگيا جۇمساماي-اق، سول دەڭگەيدەگى نەمەسە ودان دا جوعارى ءونىم الۋ مۇمكىندىگى. بۇل ءۇشىن زاماناۋي تەحنولوگيالاردى ەنگىزۋ، ءوندىرىستى جاڭعىرتۋ جانە حالىق اراسىندا ەنەرگيانى ۇنەمدەۋ داعدىلارىن قالىپتاستىرۋ ماڭىزدى.
سوڭعى جىلدارى ەلىمىزدە جاسىل ەكونوميكاعا كوشۋ اياسىندا بىرقاتار جوبالار جۇزەگە اسىرىلىپ جاتىر. اسىرەسە، كۇن جانە جەل ەنەرگياسىن پايدالانۋ باعىتىندا وڭ وزگەرىستەر بار. مۇنداي باستامالار قورشاعان ورتانى قورعاۋعا جانە ەكولوگيالىق جاعدايدى جاقسارتۋعا سەپتىگىن تيگىزەدى.
سونىمەن قاتار، ەنەرگيانى ۇنەمدەۋ تەك مەملەكەت دەڭگەيىندە عانا ەمەس، ءار ادامنىڭ كۇندەلىكتى ومىرىندە دە ماڭىزدى. قاراپايىم ادەتتەر – جارىقتى ءوشىرىپ ءجۇرۋ، ەنەرگيا ۇنەمدەيتىن شامداردى قولدانۋ، جىلۋدى ساقتاۋ – ۇلكەن وزگەرىسكە باستاي الادى.
قورىتىندىلاي كەلە، ەنەرگيا تيىمدىلىگى – بولاشاققا دەگەن جاۋاپكەرشىلىكتىڭ كورىنىسى. تابيعي رەسۋرستاردى ۇقىپتى پايدالانۋ ارقىلى ءبىز كەلەر ۇرپاققا تازا ءارى قاۋىپسىز ورتا قالدىرا الامىز. سوندىقتان بۇل باعىتتا ءاربىرىمىز سانالى قادام جاساۋىمىز قاجەت.
