ۇكىمەت مەملەكەت باسشىسى قاسىم-جومارت توقاەۆتىڭ پرەزيدەنتتىك باعىتىن جۇزەگە اسىرۋ بويىنشا جۇيەلى جۇمىستى جالعاستىرۋدا. مەملەكەت باسشىسىنىڭ ۇلتتىق قۇرىلتايدىڭ ءتورت وتىرىسى بارىسىندا ايتقان باستامالارىن جۇزەگە اسىرۋ ەلدى ترانسفورماتسيالاۋدىڭ نەگىزگى تەتىكتەرىنىڭ ءبىرى بولدى. باستامالاردى ناقتى جۇزەگە اسىرۋ ءۇشىن زاڭنامالىق بازا قامتاماسىز ەتىلدى، 26 زاڭ قابىلداندى.
ينفراقۇرىلىمدى دامىتۋ
وڭىرلەردەگى ساپالى وزگەرىستەردىڭ نەگىزى – تەڭگەرىمسىزدىكتەردى جويۋ جانە ەكونوميكالىق جوبالاردى جۇزەگە اسىرۋ. مەملەكەت باسشىسىنىڭ ۇلتتىق قۇرىلتايدىڭ IV وتىرىسىندا بەرگەن تاپسىرمالارىنا سايكەس ۇكىمەت كولىك دالىزدەرىن دامىتۋعا جانە ينجەنەرلىك جەلىلەردى جاڭعىرتۋعا نازار اۋداردى، بۇل ازاماتتاردىڭ ىسكەرلىك بەلسەندىلىگى مەن تۇرمىس ساپاسىنا تىكەلەي اسەر ەتەدى.
پرەزيدەنت تاپسىرماسىن ورىنداۋ اياسىندا «استانا – ارقالىق – تورعاي – ىرعىز» اۆتوموبيل جولىنىڭ قۇرىلىسى باستالدى. ۇزىندىعى 896 شاقىرىم بۇل جوبا ورتالىق وڭىرلەردىڭ ترانسكاسپي حالىقارالىق كولىك دالىزىنە تىكەلەي شىعۋىن قامتاماسىز ەتەدى. جالپى قۇنى – 1,1 ترلن تەڭگە.
شاعىن قالالاردىڭ كولىكتىك قولجەتىمدىلىگىن ارتتىرۋ بويىنشا جۇمىستار جۇرگىزىلۋدە. مەملەكەت باسشىسىنىڭ ارقالىق قالاسىنىڭ اۋەجايىن قالپىنا كەلتىرۋ جونىندەگى تاپسىرماسى ورىندالۋدا. قالادا ۇزاق ۋاقىت بويى تىكەلەي اۋە قاتىناسى بولعان جوق، ويتكەنى جەرگىلىكتى اۋە ايلاعى 1992 جىلدان بەرى جۇمىس ىستەمەدى. اۋەجايدى ىسكە قوسۋ ءۇشىن ۇشۋ-قونۋ جولاعىن رەكونسترۋكتسيالاۋعا جانە جاڭا تەرمينال سالۋعا ارناۋلى مەملەكەتتىك قوردان 5,5 ملرد تەڭگە ءبولىندى. جۇمىستاردى اياقتاۋ 2026 جىلعا جوسپارلانعان.
ءومىر ساپاسىنىڭ نەگىزگى فاكتورى تۇرعىن ءۇي مەن ەنەرگيا رەسۋرستارىنىڭ قولجەتىمدىلىگى بولىپ قالا بەرەدى. 2025 جىلى «ناۋرىز» جاڭا يپوتەكالىق باعدارلاماسى اياسىندا 8,5 مىڭنان استام قارىز بەرىلدى. (2024 جىلدان باستاپ 16,3 مىڭ قارىز بەرىلدى)
وڭىرلەردى گازداندىرۋعا 2024 جىلى 112,4 ملرد تەڭگە باعىتتالدى، 2 مىڭ شاقىرىمنان استام جەلى سالىندى.
«تالدىقورعان – ءۇشارال» ماگيسترالدى گاز قۇبىرى قۇرىلىسىنىڭ مەرزىمىنەن 1 جىل 4 اي بۇرىن اياقتالۋى ەنەرگەتيكا سەكتورىنداعى ماڭىزدى وقيعا بولدى. ونى ىسكە قوسۋ جەتىسۋ وبلىسىنىڭ 84 ەلدى مەكەنىن تابيعي وتىنمەن قامتاماسىز ەتۋگە جانە ءوڭىردى گازداندىرۋ دەڭگەيىن 76%-عا دەيىن جەتكىزۋگە مۇمكىندىك بەرەدى.
ادامي كاپيتال جانە جاڭا يدەولوگيا
ۇكىمەتتىڭ بۇل باعىتتاعى جۇمىسى قۇرىلتايدىڭ II جانە IV وتىرىستارىندا پرەزيدەنت ايقىنداپ بەرگەن «ادال ازامات» تۇعىرناماسى نەگىزىندە جۇرگىزىلۋدە.
تاسىلدەردى جاڭارتۋ ءۇشىن تاربيە جۇمىسى ترانسفورماتسيالاندى:
- ء«بىرتۇتاس تاربيە» بىرىڭعاي باعدارلاماسى «ادال ازامات» باعدارلاماسىنا وزگەرتىلدى.
- «ادال ازامات – ادال ەڭبەك – ادال تابىس» قاعيداتىنا نەگىزدەلگەن باعدارلامانىڭ مازمۇنى ءبىلىم بەرۋ ۇيىمدارىنا ەنگىزىلدى. 110 مىڭنان استام پەداگوگ ءبىلىم الدى.
تاريحي جادىنى ساقتاۋعا جانە زيالى قاۋىمدى قولداۋعا ەرەكشە كوڭىل بولىنۋدە. I جانە II وتىرىستاردىڭ باستامالارى جۇزەگە اسىرىلدى:
- «قازاقستاننىڭ حالىق جازۋشىسى» اتاعى قالپىنا كەلتىرىلدى.
- 23 ءساۋىر – ۇلتتىق كىتاپ كۇنى بولىپ بەكىتىلدى.
- وتاندىق اۆتورلاردىڭ «100 كىتابىنىڭ» ءتىزىمى جاسالدى.
- استانادا پرەزيدەنتتىك كىتاپحانانى جوبالاۋ جۇمىستارى باستالدى (پايدالانۋعا بەرۋ – 2027 جىل).
ادال ەڭبەك يدەولوگياسىنىڭ جالعاسىندا III وتىرىستىڭ (اتىراۋ) تاپسىرماسى ورىندالدى: 2025 جىل جۇمىسشى ماماندىقتار جىلى بولىپ جاريالاندى. ەلىمىزدىڭ ماراپاتتاۋ جۇيەسىنە وندىرىستىك ماماندىقتاردىڭ وكىلدەرى ءۇشىن 9 جاڭا قۇرمەتتى اتاق ەنگىزىلدى.
الەۋمەتتىك ينكليۋزيا جانە ءبىلىم بەرۋ نىساندارى
«ادال ازامات» قاعيداتى ءاربىر قازاقستاندىق ءۇشىن تەڭ مۇمكىندىكتەر قالىپتاستىرۋدى كوزدەيدى. مەملەكەت باسشىسىنىڭ IV وتىرىستا بەرگەن تاپسىرمالارىن ورىنداۋ ماقساتىندا ۇكىمەت «مۇمكىندىگى شەكتەۋلى بالالاردى كەشەندى قولداۋ تۋرالى» زاڭ جوباسىن ازىرلەدى.
قۇجات ءماجىلىستىڭ قاراۋىندا. جوبا ءۇش نەگىزگى ماسەلەنى شەشۋگە باعىتتىلعان:
- ەرتە انىقتاۋ: دياگنوستيكا مەن قولداۋدىڭ بىرىڭعاي ستاندارتىن ەنگىزۋ.
- تسيفرلاندىرۋ: بارلىق قىزمەتتەر ءار بالاعا جەكە جوسپار قۇرا وتىرىپ، «ينتەگراتسيالانعان مودۋل» جالپى جۇيەسى ارقىلى تاعايىندالادى
- ساپانى باقىلاۋ: پسيحولوگيالىق-پەداگوگيكالىق كومەك كورسەتەتىن ۇيىمدار ءۇشىن ليتسەنزيالاۋدى ەنگىزۋ.
بالالىق شاق سالاسىن جۇيەلى دامىتۋ ماقساتىندا «قازاقستان بالالارى» بىرىڭعاي باعدارلاماسىنىڭ تۇجىرىمداماسى ازىرلەندى. قۇجات ءتورت نەگىزگى باعىتقا نەگىزدەلگەن: بالانىڭ قاۋىپسىزدىككە، بىلىمگە، دەنساۋلىققا، الەۋمەتتىك قورعاۋعا جانە وتباسىنا قۇقىعى. جوبا بالالاردىڭ قۇقىقتارىن قورعاۋدى رەتكە كەلتىرەدى جانە مەملەكەتتىك ورگانداردىڭ بىرلەسكەن جۇمىسىن جولعا قويۋعا مۇمكىندىك بەرەدى. بۇل ءار بالاعا تەڭ قولداۋ كورسەتۋدى قامتاماسىز ەتىپ، زورلىق-زومبىلىق پەن بۋللينگتىڭ سالدارىمەن كۇرەسۋدەن گورى ولاردىڭ ەرتە بەستان الدىن الۋعا كومەكتەسەدى.
وسى جۇمىس اياسىندا 10 553 ءبىلىم بەرۋ ۇيىمى قاۋىپسىزدىك جۇيەلەرىمەن جابدىقتالعان
سونىمەن قاتار وقۋشى ورىندارىنىڭ تاپشىلىعىن جويۋ بويىنشا اۋقىمدى باعدارلاما جۇزەگە اسىرىلۋدا. 2025 جىلى 267 مىڭ ورىنعا ارنالعان 232 مەكتەپتىڭ قۇرىلىسى جۇرگىزىلدى. ونىڭ ىشىندە 2025 جىلى:
- 112 نىسان «كەلەشەك مەكتەپتەرى» ۇلتتىق جوباسى اياسىندا سالىنۋدا.
- 2029 جىلعا دەيىن تولىق جاڭارتۋ جۇرگىزىلەتىن 1231 مەكتەپتىڭ ءتىزىمى انىقتالدى.
- ءار ءتۇرلى قارجىلاندىرۋ كوزدەرى ەسەبىنەن 50 مەكتەپ.
- قوسشى قالاسىندا حالىقارالىق ۇلگىدەگى كوللەدج قۇرىلىسى پىسىقتالۋدا.
قوعامدىق قاۋىپسىزدىك جانە زاڭ ۇستەمدىگى
قوعامنىڭ تۇراقتى دامۋىنىڭ كەپىلى – «زاڭ مەن ءتارتىپ» قاعيداتىن ساقتاۋ. قۇرىلتايدىڭ تاپسىرمالارىن جۇزەگە اسىرۋ شەڭبەرىندە زاڭنامالىق شارالار پاكەتى قابىلداندى:
- 5 بىرتەكتى زاڭدى بىرىكتىرەتىن «قۇقىق بۇزۋشىلىقتىڭ الدىن الۋ تۋرالى» بىرىڭعاي زاڭ قابىلداندى. قۇقىق بۇزۋشىلىقتاردىڭ ەرتە الدىن الۋعا، سونداي-اق «زاڭ مەن ءتارتىپ» قاعيداتىن قامتاماسىز ەتۋگە باسا نازار اۋدارىلدى.
- بۋكمەكەرلىك كەڭسەلەردىڭ قىزمەتىن رەتتەۋدى كۇشەيتەتىن جانە لۋدومانياعا قارسى تۇرۋعا باعىتتالعان ويىن بيزنەسى ماسەلەلەرى بويىنشا زاڭ قابىلداندى. ۆەيپتەردى شىعارۋعا جانە تاراتۋعا تولىق زاڭنامالىق تىيىم سالىندى.
- جاۋاپكەرشىلىكتى سارالايتىن زاڭ قابىلداندى (ەسىرتكى جاسىرۋمەن ءبىرىنشى رەت اينالىسقاندار كۋرەرلەر ءۇشىن جۇمسارتىلدى، وندىرۋشىلەر ءۇشىن قاتاڭداتىلدى). ەسىرتكى بيزنەسىنە قارسى كۇرەستىڭ 2026-2028 جىلدارعا ارنالعان كەشەندى جوسپارى جۇزەگە اسىرىلۋدا.
- سوتتالعان ايەلدەردىڭ، ونىڭ ىشىندە جۇكتى جانە جاس بالالارى بار ايەلدەردىڭ جازاسىن وتەۋ جاعدايلارىن جاقسارتۋ بويىنشا ۇسىنىستار ازىرلەندى. قىلمىستىق-اتقارۋ كودەكسىنە وزگەرىستەر ەنگىزۋ جانە كەزدەسۋ، قوڭىراۋ شالۋ مەن سالەمدەمەلەر الۋ قۇقىعىن كەڭەيتۋ جوسپارلانۋدا. بۇدان بولەك، جازادان بوساتۋعا نەگىز بولاتىن اۋرۋلار تىزبەسىن كەڭەيتۋ پىسىقتالۋدا.
- «دەسترۋكتيۆتى ءدىني اعىمدار» تەرمينىن بەكىتەتىن جانە شەتەلدە تەولوگيالىق ءبىلىم الۋدى رەتكە كەلتىرەتىن تۇزەتۋلەر دايىندالدى.
مادەنيەت، سپورت جانە تۋريزم
مەملەكەت باسشىسىنىڭ IV وتىرىس بارىسىندا شەتەلدە مادەني قاتىسۋ تۋرالى بەرگەن تاپسىرماسىنا سايكەس بەيجىڭدە «قازاقستاننىڭ مادەني ورتالىعى» اشىلدى. ماسكەۋدە وسىنداي ورتالىقتى اشۋ ماسەلەسى پىسىقتالۋدا.
انيماتسيا سالاسىندا «قيال vs قادام» جانە «بايتەرەك تۋرالى اڭىز» فيلمدەرى مەملەكەتتىك قولداۋعا يە بولدى. 43 انيماتسيالىق شىعارما YouTube پلاتفورماسىندا جاريالاندى.
2019 جىلدان بەرى العاش رەت 5 تولىقمەتراجدى مۋلتفيلم شىقتى («التىن ادام»، «جەلاياق»، «شوقان. قاشقاريا ساپارى»، «ادام. نارتاۋەكەل»، «توقتى مەن سەركە»).
سونىمەن قاتار تامىز ايىندا اقتاۋدا «ۇركەر» حالىقارالىق قىسقامەتراجدى انيماتسيا فەستيۆالى ءوتتى، وندا «التىن كول» انيماتسيالىق ءفيلمى باس جۇلدەنى ەنشىلەدى، سونداي-اق «تۇران» تۋىندىسى «ۇزدىك قىسقامەتراجدى فيلم» نوميناتسياسىنا ۇسىنىلدى.
سپورت سالاسىندا كوممەرتسيالاندىرۋ جانە بيۋدجەتتىك قاراجاتتىڭ ۇلەسىن قىسقارتۋ باعىتى جۇزەگە اسىرىلۋدا.
جەكەشەلەندىرىلگەن فۋتبول كلۋبتارى:
- «جەڭىس» فك (استانا),
- «قايسار» فك (قىزىلوردا)
- «قىزىلجار» فك (پەتروپاۆل),
- «شاحتەر» فك (قاراعاندى) جەكەشەلەندىرۋ اياقتالۋدا
- «اقتوبە» فك (اقتوبە),
- «ەلىماي» فك (سەمەي),
- «وقجەتپەس» فك (كوكشەتاۋ), «توبىل» فك (قوستاناي), «تاراز» فك (تاراز) جانە «ەرتىس» فك (پاۆلودار) بويىنشا الەۋەتتى ينۆەستورلارمەن كەلىسسوزدەر جۇرگىزىلۋدە.
2025 جىلى 15 جەلتوقساندا كوكشەتاۋدا قۇنى 13,6 ملرد تەڭگە بولاتىن كوپفۋنكتسيونالدى سپورت كەشەنى پايدالانۋعا بەرىلدى. ارناۋلى مەملەكەتتىك قور ەسەبىنەن قۇرىلىستى قارجىلاندىرۋ ماسەلەسى پىسىقتالدى: جوبانىڭ 13,6 ملرد تەڭگەنى قۇرايتىن جالپى قۇنىنىڭ 12,6 ملرد تەڭگەسى ءدال وسى كوزدەن ءبولىندى.
تسيفرلاندىرۋ
مەملەكەت باسشىسىنىڭ ۇلتتىق قۇرىلتايدىڭ IV وتىرىسىندا بەرگەن تاپسىرمالارىنا سايكەس ۇكىمەت مەملەكەتتىك باسقارۋ مەن قارجى سەكتورىن اۋقىمدى تەحنولوگيالىق جاڭعىرتۋعا كىرىستى.
ۇلتتىق جي پلاتفورماسىن ىسكە قوسۋ جونىندەگى تاپسىرمانى ورىنداۋ شەڭبەرىندە 15 ورتالىق مەملەكەتتىك ورگاندا 36 جي-جوباسىن ەنگىزۋ جوسپارى بەكىتىلدى. جاڭا قۇرالدار سالىقتىق جانە كەدەندىك اكىمشىلەندىرۋدى اۆتوماتتاندىرۋدان باستاپ كولىك سالاسى مەن عىلىمداعى اناليتيكاعا دەيىنگى اۋقىمدى مىندەتتەردى قامتيدى.
ۇلتتىق تسيفرلىق مۇراعات قۇرۋ جونىندەگى جول كارتاسى بەكىتىلدى. جوبا ءۇشىن گيبريدتى ءتاسىل تاڭدالدى: ساقتاۋ – وتاندىق دەرەكتەر ورتالىعىندا، اناليتيكا – بۇلتتى سەرۆيستەر ارقىلى جۇرگىزىلەدى. جۇمىس توبى وتىرىسىنىڭ قورىتىندىسى بويىنشا جوبانى بىرىڭعاي مادەني-ءبىلىم بەرۋ پورتالىنا كەڭەيتۋ تۋرالى شەشىم قابىلداندى. «ە-كىتاپحانا»، «ە-مۇراعات»، e-culture جانە e-museum جۇيەلەرىمەن ينتەگراتسيا جۇرگىزىلۋدە.
تسيفرلىق اكتيۆتەردىڭ قاۋىپسىز اينالىمىن قامتاماسىز ەتۋ تاپسىرماسى جۇزەگە اسىرىلۋدا. ۇلتتىق بانك وزىق حالىقارالىق تاجىريبەنى ء(باا، ەۋرووداق) ەسكەرەتىن زاڭنامالىق تۇزەتۋلەر پاكەتىن ازىرلەدى. قۇجات كريپتويندۋستريانى جۇيەلى رەتتەۋگە جانە ەلدىڭ قارجى جۇيەسى ءۇشىن تاۋەكەلدەردى ازايتۋعا باعىتتالعان.
