اقش پرەزيدەنتى دونالد ترامپ ءوزىن ۆەنەسۋەلانىڭ ۋاقىتشا پرەزيدەنتى دەپ جاريالادى. بۇل تۋرالى ول Truth Social الەۋمەتتىك جەلىسىندەگى پاراقشاسىندا مالىمدەدى، دەپ حابارلايدى "ادىرنا".
مالىمدەمە اقش اسكەريلەرى ۆەنەسۋەلانىڭ قازىرگى باسشىسى نيكولاس مادۋرونى ۇرلاپ اكەتتى دەگەن اقپاراتتان كەيىن جاسالعان. وسىدان سوڭ اقش-تىڭ قازىرگى پرەزيدەنتى ۆەنەسۋەلاداعى جاعدايدى باقىلاۋدى ەندى امەريكالىق بيلىك پەن جەكە ءوز قولىنا الاتىنىن حابارلاعان.
ترامپ Truth Social جەلىسىندە Wikipedia-داعى ومىرباياندىق انىقتاما ستيلىندە جاسالعان سكرينشوت جاريالاپ، وندا وزىنە «ۆەنەسۋەلانىڭ ۋاقىتشا پرەزيدەنتى» دەگەن جاڭا قىزمەتتى كورسەتكەن. «تاعايىندالعان» كۇن رەتىندە 2026 جىلدىڭ قاڭتارى جازىلعان. سونىمەن قاتار، سول «پروفيلدە» ول اقش پرەزيدەنتى رەتىندەگى قازىرگى قىزمەتىن دە ساقتاپ قويعان.
بۇل مالىمدەمە الەۋمەتتىك جەلىلەر مەن حالىقارالىق اقپارات كەڭىستىگىندە قىزۋ تالقىلانىپ جاتىر.
