بوكستان قازاقستان ۇلتتىق قۇراماسىنىڭ باس باپكەرى قايرات ءساتجانوۆ ءوز قىزمەتىن رەسمي تۇردە تاپسىردى، دەپ حابارلايدى "ادىرنا" ۇلتتىق پورتالى.
بەلگىلى بولعانداي، باپكەر بۇل شەشىمدى دەنساۋلىعىنا بايلانىستى قابىلداۋعا ءماجبۇر بولعان.
قازاقستان بوكس فەدەراتسياسىنىڭ ءباسپاسوز قىزمەتى تاراتقان مالىمدەمەدە ءساتجانوۆتىڭ وتاندىق بوكستىڭ دامۋىنا قوسقان ۇلەسى ەرەكشە اتاپ وتىلگەن.
ء«ساتجانوۆ قايرات تۇرسىنحانۇلى 2024 جىلدىڭ تامىز ايىنان باستاپ ۇلتتىق قۇرامانىڭ باس جاتتىقتىرۋشىسى قىزمەتىن اتقاردى. قر ەڭبەك سىڭىرگەن جاتتىقتىرۋشىسىنىڭ جەتەكشىلىگىمەن ەرلەر كومانداسى كوپتەگەن حالىقارالىق تۋرنيرلەردە تابىستى ونەر كورسەتىپ، الەم چەمپيوناتتارىندا جۇلدەلى ورىندارعا يە بولدى. 35 جىلدان استام تاجىريبەسى بار مامان دەنساۋلىعىنا بايلانىستى بۇل قىزمەتتەن باس تارتۋعا ءماجبۇر بولدى. قايرات تۇرسىنحانۇلىنا وتاندىق بوكس قاۋىمداستىعى اتىنان العىسىمىزدى بىلدىرەمىز»، – دەلىنگەن حابارلامادا.
قايرات ءساتجانوۆ بۇعان دەيىن 2021–2023 جىلدارى ۇلتتىق قۇرامانى باسقارعان. الايدا سول كەزەڭدە دە دەنساۋلىعىنا بايلانىستى قىزمەتىنەن كەتكەن ەدى.
