اتىراۋدا جوعالعان وتباسى ءىسى. كۇدىكتى تۋرالى اقپارات جاريالاندى

اتىراۋ وبلىسىندا وتباسى مۇشەلەرىن ءولتىردى دەگەن كۇدىكپەن ىزدەۋدە جۇرگەن ەر ادام تۋرالى اقپارات جاريالاندى، دەپ حابارلايدى "ادىرنا".

قۇقىقتىق ستاتيستيكا جانە ارنايى ەسەپكە الۋ ورگاندارىنىڭ پورتالىندا ورنالاستىرىلعان ىزدەستىرۋ اقپاراتىنا سايكەس، اتىراۋ وبلىسىندا وتباسى مۇشەلەرىن ءولتىردى دەگەن كۇدىكپەن ىزدەۋدە جۇرگەن ەر ادام – سارسەماليەۆ سۇلتان ساميعوللاۇلى، 1996 جىلى دۇنيەگە كەلگەن، قازاقستان رەسپۋبليكاسىنىڭ ازاماتى. 

ىزدەستىرۋ ءىسى 2026 جىلعى 8 قاڭتاردا اتىراۋ وبلىسى بويىنشا تىركەلگەن. ىزدەۋدى باستاعان – قر ىشكى ىستەر مينيسترلىگى، ال تىكەلەي ىزدەستىرۋدى اتىراۋ وبلىسىنىڭ پوليتسيا دەپارتامەنتى جۇرگىزۋدە.


بۇعان دەيىن 2025 جىلى جانگەلدين اۋىلىنان ءبىر وتباسىنىڭ بەلگىسىز جاعدايدا جوعالىپ كەتكەنى حابارلانعان ەدى. 2026 جىلعى 6 قاڭتاردا اتىراۋ وبلىسىنان جوعالعان وتباسىنىڭ ەكى مۇشەسىنىڭ – ماقسوت قارابالين مەن ونىڭ جۇبايى ءناسىپ ۇتەشقاليەۆانىڭ مايىتتەرى تابىلعانى بەلگىلى بولدى. تەرگەۋ بارىسىندا ىسكە قاتىسى بار كۇدىكتىلەر انىقتالعان.

7 قاڭتار كۇنى قۇقىق قورعاۋ ورگاندارى قىلمىس جاسادى دەگەن كۇدىك 29 جاستاعى سۇلتان سارسەماليەۆكە تۇسكەنىن حابارلادى. ال 8 قاڭتاردا وعان رەسمي تۇردە ىزدەۋ جاريالاندى.