اتىراۋ وبلىسىنىڭ پوليتسياسى 29 جاستاعى سۇلتان سارسەماليەۆتى ىزدەستىرىپ جاتىر، دەپ حابارلايدى "ادىرنا" ۇلتتىق پورتالى.
كۇدىككە ىلىنگەن ازامات - قازا بولعان ەرلى-زايىپتىنىڭ كۇيەۋبالاسى.
وبلىستىق پد ءباسپاسوز قىزمەتى مالىمدەگەندەي، قازىرگى ۋاقىتتا قىزمەتكەرلەر قىلمىسقا قاتىسى بولۋى مۇمكىن باسقا تۇلعالاردى دا تەكسەرىپ جاتىر.
سونداي-اق، پوليتسيا الەۋمەتتىك جەلىلەردە كەيىنەن تانىلعان «حاكەر» تۋرالى اقپاراتقا پىكىر ءبىلدىردى. بۇل ازامات جوعالعانداردى وزدىگىنەن ىزدەستىرىپ، دەرەكتەردى تالدادى. ول SIM-كارتالار، قارجىلىق قوزعالىستاردى انىقتاعانىن مالىمدەگەن.
«شىن مانىندە بارلىق مالىمەتتەر قۇقىق قورعاۋ ورگاندارىنىڭ زاڭدى وپەراتيۆتىك ىزدەستىرۋ شارالارى رەتىندە تىركەلگەن. اتالعان ادام جاڭا دەرەكتەر الماعان جانە وزدىگىنەن تالداۋ جۇرگىزبەگەن. ونىڭ تاراتقان اقپاراتتارى رەسمي وريەنتيروۆكالارمەن تولىق سايكەس كەلەدى»، – دەلىنگەن حابارلامادا.
پوليتسيا سونىمەن قاتار قۇقىق قورعاۋ ورگاندارى تاراپىنان قىسىم نەمەسە قوقان-لوققى بار دەگەن اقپاراتتى جوققا شىعاردى.
«حاكەر» قازىرگى تاڭدا ءتورت الاياقتىق فاكتىسى بويىنشا تەرگەلىپ جاتقان تۇلعا جانە ول دا ىزدەستىرىلۋدە، – دەپ تولىقتىردى دەپارتامەنت.
ەسكە سالا كەتەيىك، بۇعان دەيىن پوليتسيا جوعالعان جۇپ پەن ولاردىڭ ەرەسەك ەكى بالاسىن ىزدەستىرگەن. الدىمەن 32 جاستاعى ناۋرىز مۇقانعاليەۆ جۇمىسىنا كەتكەننەن كەيىن حابارسىز كەتىپ، بايلانىسقا شىقپاعان. سودان كەيىن قازان ايىندا جانگەلدى اۋىلىنان اكە-شەشەسى مەن اپكەسى دارىگەرگە بارامىز دەپ شىعىپ، كەتكەن. وتباسىنىڭ قالعان مۇلىكتەرى ساتىلىپ، قاراجات اكەسىنىڭ شوتىنا تۇسكەن.
جوعالعاندار تۋرالى ارىز 25 جەلتوقساندا تۇسكەن ەدى.
