اشىلعانىنا ءبىر جىل بولعان قازاق ۇلتتىق سۋ شارۋاشىلىعى جانە يرريگاتسيا ۋنيۆەرسيتەتىنىڭ رەكتورى وقىتۋشىلاردى «وڭتۇستىك وڭىردەن» بولعانى ءۇشىن جۇمىستان بوساتقان دەگەن اقپارات تارادى، دەپ حابارلايدى "ادىرنا" ۇلتتىق پورتالى ەۋرازيا ارناسىنىڭ جاڭالىقتار قىزمەتىنە سىلتەپ.
مەملەكەت باسشىسىنىڭ تاپسىرماسىنان كەيىن بىلتىر دۋلاتي اتىنداعى تاراز وڭىرلىك ۋنيۆەرسيتەتى ەكىگە ءبولىنىپ، جاڭادان ۇلتتىق مارتەبەگە يە وقۋ ورنى قۇرىلعان بولاتىن. جاڭا ۋنيۆەرسيتەتكە وتكەن وقىتۋشىلار ەڭبەك دەمالىسىنا شىعا الماي، ال ەڭبەك كەلىسىمشارتتارى جارتى جىلدا ءتورت رەت وزگەرگەن. وسى ۋاقىت ىشىندە باسشىلىق 30-عا جۋىق ماماندى جۇمىستان بوساتقان.
سۇحبات بەرگەن وقىتۋشى ءمان-جايدى ايتتى.
«وڭتۇستىكتىكىلەر – توپاس، جەمقور. سەندەرمەن جۇمىس ىستەي المايمىن. سولتۇستىكتەن ماماندار شاقىرتۋىما تۋرا كەلەدى» – دەپ مالىمدەگەن.
مۇنداي پىكىر اكادەميالىق ورتادا وڭىرلىك كەمسىتۋشىلىك
«تەحنيكا عىلىمدارىنىڭ دوكتورى، پروفەسسور سەيىتحان قويباقوۆ پەن تەحنيكا عىلىمدارىنىڭ كانديداتى، دوتسەنت راحيما جۇرۋمباەۆا سەكىلدى بىلىكتى گيدروتەحنيكتەر جۇمىسسىز قالدى»، – دەيدى اعا وقىتۋشى التاي يگىلىكوۆ.
وقىتۋشىلار جالاقىنىڭ ازدىعىنا، جۇمىس جاعدايىنىڭ ناشارلىعىنا دا شاعىمدانۋدا. ال ستۋدەنتتەردىڭ جاعدايى دا ءماز ەمەس ەكەنىن اتاپ ءوتتى.
عىلىم جانە جوعارى ءبىلىم ءمينيسترى ساياسات نۇربەك بۇل جاعدايدان حاباردار ەكەنىن ايتىپ، ونى "كوممۋنيكاتسيالىق قاتەلىك" دەپ باعالادى.
«مەن ءوزىم مىندەتتەمە الدىم. ۋنيۆەرسيتەتكە بىرنەشە رەت ارنايى جۇمىس توبىمەن بارىپ، ىشكى ماسەلەلەردى شەشەمىز. مىقتى ورىنباسارلار جىبەرەمىز»، – دەدى مينيستر.
مينيسترلىكتىڭ مالىمەتىنشە، ۋنيۆەرسيتەتتىڭ ماتەريالدىق بازاسىن نىعايتۋ ءۇشىن 5,5 ميلليارد تەڭگە قاجەت، سونىڭ 3,5 ميللياردى بيىل بولىنبەك.
