«سامۇرىق-قازىنا» مەملەكەتتىك حولدينگىنىڭ باسقارما توراعاسى نۇرلان جاقىپوۆ 2022–2024 جىلدار ارالىعىنداعى تابىسى تۋرالى دەكلاراتسياسىن جاريالادى، دەپ حابارلايدى "ادىرنا" ۇلتتىق پورتالى.
دەكلاراتسيادا ونىڭ 805 ملن تەڭگەدەن استام تابىس تاپقانى كورسەتىلگەن.
دەكلاراتسياعا سايكەس، ول 2022 جىلى 422 182 000 تەڭگە، 2023 جىلى 186 543 551 تەڭگە، 2024 جىلى 197 259 412 تەڭگە تاپقان.
وسىلايشا، جاقىپوۆ ءۇش جىل ىشىندە جالپى 805 ملن 985 مىڭ تەڭگە تابىس تاپقان. 47 جاستاعى نۇرلان جاقىپوۆ 2023 جىلدىڭ كوكتەمىندە «سامۇرىق-قازىنا» مەملەكەتتىك قورىن باسقارۋعا تاعايىندالعان.
حولدينگتىڭ دامۋ جانە پريۆاتيزاتسيا بويىنشا باسقارۋشى ديرەكتورى، باسقارما مۇشەسى سالتانات ءساتجان 2024 جىلى 8 273 745 تەڭگە تاپقان.
سونىمەن قاتار، قىتايداعى قور وكىلدىگىنىڭ باسشىسى ساكەن مۇراتۇلىنىڭ جۇبايى گۇلنۇر نۇركەەۆا 2024 جىلى 96 314 355 تەڭگە تابىس تاپقانىن دەكلاراتسياعا ەنگىزگەن.
