پاۆلوداردا №45 تۇزەۋ مەكەمەسىنىڭ بۇرىنعى باسشىسى "مەملەكەتتىك قۇپيالاردى قۇرايتىن مالىمەتتەردى جاريالاعانى ءۇشىن" سوتتالدى. بۇل تۋرالى وبلىستىق پروكۋراتۋرا جازدى، دەپ حابارلايدى «ادىرنا» ءتىلشىسى.
«كولونيانىڭ بۇرىنعى باسشىسى بەلگىلى ءبىر سىياقى ءۇشىن كەيبىر سوتتالعاندارعا جازاسىن وتەۋ ءۇشىن ارتىقشىلىقتى جاعداي جاساعان. سونداي-اق مەملەكەتتىك ايىپتاۋدى قولدايتىن پروكۋروردىڭ بەلسەندى ءارى قاتاڭ ۇستانىمىنىڭ ارقاسىندا قىزمەتتىك مىندەتتەرىن اتقارۋ بارىسىندا ونىڭ قىزمەتتىك اقپاراتتى جاريا ەتۋگە جول بەرگەنى دالەلدەندى»،-دەلىنگەن حابارلامادا.
قىلمىستاردىڭ جيىنتىعى بويىنشا سوت سوتتالۋشىنى مەملەكەتتىك قىزمەتتە لاۋازىمداردى اتقارۋ قۇقىعىنان ءومىر بويىنا ايىرا وتىرىپ، پودپولكوۆنيك ارناۋلى اتاعىنان ايىرا وتىرىپ، 6 جىل 6 ايعا باس بوستاندىعىنان ايىرۋ جازاسىن تاعايىنداعان. سوت ۇكىمى زاڭدى كۇشىنە ەنگەن جوق.
