سەۋل سوتى وڭتۇستىك كورەيانىڭ بۇرىنعى پرەزيدەنتى يۋن سوك ءيولدىڭ قاماۋداعى مەرزىمىن تاعى التى ايعا ۇزارتتى، دەپ حابارلايدى "ادىرنا" ۇلتتىق پورتالى Yonhap اگەنتتىگىنە سىلتەمە جاساپ.
مەرزىم بويىنشا بۇرىنعى پرەزيدەنت 18 قاڭتار كۇنى بوستاندىققا شىعۋى كەرەك بولعان. سوت دالەلدەمەلەردىڭ جويىلۋ قاۋپىنە بايلانىستى شەشىمدى ۇزارتتى.
ارنايى پروكۋرورلار يۋن سوك يولگە سولتۇستىك كورەياعا دروندار ارقىلى ارانداتۋشىلىق وپەراتسيا ۇيىمداستىردى دەپ جاڭا ايىپ تاقتى. تەرگەۋ دەرەگىنە سايكەس، ول قورعانىس مينيسترلىگىن جانە بىرىككەن شتابتار كوميتەتىن حاباردار ەتپەستەن درونداردى كحدر اۋماعىنا جىبەرۋ تۋرالى بۇيرىق بەرگەن. بۇعان دەيىن ول 2024 جىلعى جەلتوقساندا قىسقا مەرزىمگە اسكەري جاعداي ەنگىزۋ ارقىلى بيلىگىن اسىرا پايدالاندى دەپ ايىپتالعان.
يۋن سوك يول شىلدە ايىنان بەرى قاماۋدا وتىر. سونداي-اق ونىڭ جۇبايى، بۇرىنعى ءبىرىنشى حانىم كيم كون حي دە 12 تامىزدان بەرى قاماۋدا، وعان اكتسيا باعالارىن زاڭسىز كوتەرۋ بويىنشا ايىپ تاعىلعان. 2025 جىلدىڭ جەلتوقسانىندا ارنايى پروكۋرورلار توبى يۋن سوك ءيولدى 10 جىلعا باس بوستاندىعىنان ايىرۋدى تالاپ ەتكەن.
