جەكسەنبى كۇنى اقش-تىڭ نيۋ-دجەرسي شتاتىنداعى حاممونتون قالاسىندا ەكى تىكۇشاق سوقتىعىستى. اپات سالدارىنان ءبىر ادام قازا تاۋىپ، ەكىنشى ۇشقىش اۋىر جاراقات الدى، دەپ حابارلايدى «ادىرنا» ءتىلشىسى NBC News-كە سىلتەمە جاساپ.
حاممونتون قالاسى اكىمدىگى وكىلىنىڭ ايتۋىنشا، پوليتسياعا «ەكى تىكۇشاقتىڭ اۋەدە سوقتىعىسۋى» جونىندە قوڭىراۋلار تۇسكەن. سالدارىنان ەكى اۋە كەمەسى دە قۇلاعان، ولاردىڭ بىرەۋى وتقا ورانعان.
اپات كەزىندە ءبىر ادام وقيعا ورنىندا قازا تاۋىپ، ەكىنشى ۇشقىش ومىرىنە قاۋىپ توندىرەتىن اۋىر جاراقاتپەن اۋرۋحاناعا جەتكىزىلگەن.
اقش-تىڭ فەدەرالدىق ازاماتتىق اۆياتسيا باسقارماسىنىڭ مالىمەتىنە سايكەس، حاممونتون اۋەجايىنىڭ ماڭىندا Enstrom F-28A جانە Enstrom 280C ۇلگىسىندەگى تىكۇشاقتار اۋەدە سوقتىعىسقان. ءار تىكۇشاقتا ءبىر ۇشقىشتان بولعان. وقيعا بويىنشا تەرگەۋدى ۇلتتىق كولىك قاۋىپسىزدىگى كەڭەسى جۇرگىزەدى.
بۇعان دەيىن نيۋ-يورك قالاسىنىڭ كورىكتى جەرلەرىن شولۋ ەكسكۋرسياسى كەزىندە تىكۇشاق گۋدزون وزەنىنە قۇلاپ، التى ادام قازا تاپقان ەدى.
