بيىل توبىل–تورعاي ءوڭىرىنىڭ رۋحاني ءومىرى ايتۋلى وقيعالارمەن تولىعىپ وتىر. قازاق ايتىس ونەرىنىڭ دامۋىنا ولشەۋسىز ۇلەس قوسقان حالىق اقىنى ءاسيا بەركەنوۆانىڭ 75 جىلدىق مەرەيتويى كەڭ كولەمدە اتالىپ وتۋدە. سونىمەن قاتار ايتىس ونەرىنىڭ كورنەكتى وكىلى ايبەك قاليەۆ ەلوردادا وتكەن «التىن دومبىرا – 2025» رەسپۋبليكالىق ايتىسىنىڭ جەڭىمپازى اتاندى.
وسى ايتۋلى جەتىستىكتەرگە وراي قوستاناي وبلىسىنىڭ اكىمى قۇمار اقساقالوۆ ايتىس ونەرىنىڭ قوس ساڭلاعىنا ەرەكشە قۇرمەت كورسەتتى. سالتاناتتى شارا بارىسىندا حالىق اقىنى ءاسيا بەركەنوۆاعا KIA Sportage, ال «التىن دومبىرا» يەگەرى ايبەك قاليەۆكە KIA Cerato اۆتوكولىگىنىڭ كىلتى تابىستالدى.
سىيعا بەرىلگەن تەمىر تۇلپارلار بيىل عانا قوستاناي قالاسىندا اشىلعان KIA زاۋىتىنان شىققان العاشقى 1000 اۆتوكولىكتىڭ قاتارىنان. بۇل – ءوڭىردىڭ وندىرىستىك الەۋەتىمەن قاتار، ۇلتتىق ونەرگە دەگەن قولداۋدىڭ ايقىن كورىنىسى.
ونەر يەلەرىن ۇلىقتاۋ – ۇلت رۋحانياتىن دارىپتەۋدىڭ ءبىر جولى. اقىندارىن ارداقتاعان ەلدىڭ، ونەردى قولداعان بيلىكتىڭ بارىندا ايتىس ونەرى مەن ۇلتتىق قۇندىلىقتار ءوز جالعاسىن تابا بەرمەك.
ايتا كەتسەك، ايبەك قاليەۆ جۋىردا «حابار» اگەنتتىگى ۇيىمداستىرعان جەكپە-جەك ايتىستا توپ جارىپ، «التىن قامشى» يەگەرى اتاندى.
