قازاق ۇلتتىق اگرارلىق زەرتتەۋ ۋنيۆەرسيتەتى بازاسىندا «زاڭ مەن ءتارتىپ» اكتسياسى اياسىندا قۇقىقتىق-اعارتۋشىلىق باعىتتاعى ءىس-شارا ۇيىمداستىرىلدى، دەپ حابارلايدى «ادىرنا» ۇلتتىق پورتالى. اتالعان جيىنعا قۇقىق قورعاۋ ورگاندارىنىڭ وكىلدەرى قاتىسىپ، ستۋدەنت جاستارمەن مازمۇندى ءارى تاعىلىمدى كەزدەسۋ وتكىزدى.
كەزدەسۋ بارىسىندا ستۋدەنتتەرگە زاڭدىلىق پەن قۇقىقتىق ءتارتىپتىڭ قوعامداعى ءرولى، ازاماتتاردىڭ قۇقىقتارى مەن مىندەتتەرى، سونداي-اق قۇقىق بۇزۋشىلىقتاردىڭ الدىن الۋ جولدارى جان-جاقتى ءتۇسىندىرىلدى. قۇقىق قورعاۋ ورگاندارىنىڭ وكىلدەرى وزدەرىنىڭ قىزمەتتىك تاجىريبەلەرىنەن مىسالدار كەلتىرىپ، زاڭ تالاپتارىن ساقتاۋ، جەكە جاۋاپكەرشىلىك پەن قۇقىقتىق مادەنيەتتى قالىپتاستىرۋدىڭ ماڭىزدىلىعىنا ەرەكشە توقتالدى.
ءىس-شارا اشىق ديالوگ فورماتىندا ءوتىپ، ستۋدەنتتەر تاراپىنان قويىلعان ساۋالدارعا ناقتى ءارى تۇسىنىكتى جاۋاپتار بەرىلدى. مۇنداي كەزدەسۋلەر جاستاردىڭ قۇقىقتىق ساۋاتتىلىعىن ارتتىرىپ قانا قويماي، زاڭعا دەگەن قۇرمەتتى قالىپتاستىرۋعا، سونداي-اق قوعامدا ادىلدىك پەن ءتارتىپ قاعيداتتارىن نىعايتۋعا ىقپال ەتەدى.
