اقش استاناسى ۆاشينگتوندا ورنالاسقان كەننەدي اتىنداعى ورىنداۋشىلىق ونەر ورتالىعىنىڭ اتاۋى وزگەرتىلىپ، ەندى ترامپ–كەننەدي ورتالىعى دەپ اتالاتىن بولدى. بۇل جونىندە اق ءۇي مالىمدەدى، دەپ حابارلايدى "ادىرنا".
ورتالىقتىڭ ديرەكتورلار كەڭەسى اتاۋدى وزگەرتۋ تۋرالى شەشىمدى ءبىراۋىزدان قابىلداعان. اق ءۇيدىڭ ءباسپاسوز حاتشىسى كەرولاين ليۆيتت X الەۋمەتتىك جەلىسىندەگى جازباسىندا ديرەكتورلار كەڭەسى سوڭعى ءبىر جىلدا پرەزيدەنت دونالد ترامپتىڭ عيماراتتى «ساقتاپ قالۋ جولىندا اتقارعان اۋقىمدى جۇمىسىن» اتاپ وتكەنىن مالىمدەدى.
كەننەدي اتىنداعى ورىنداۋشىلىق ونەر ورتالىعى 1971 جىلى سالىنعان جانە وسى ۋاقىتقا دەيىن اقش-تىڭ 35-پرەزيدەنتى دجون فيتسدجەرالد كەننەديدىڭ ەسىمىمەن اتالىپ كەلگەن. نىسان ەلدىڭ مادەني ومىرىندەگى ماڭىزدى ورتالىقتاردىڭ ءبىرى سانالادى.
بەيسەنبى كۇنى دوعال كەڭسەدە سويلەگەن سوزىندە دونالد ترامپ بۇل شەشىمگە تاڭعالعانىن ايتىپ، ريزاشىلىعىن ءبىلدىردى. ايتا كەتەيىك، وسى ايدىڭ باسىندا ول ورتالىقتىڭ جىل سايىنعى ماراپاتتاۋ ءراسىمى كەزىندە اتاۋدى وزگەرتۋ مۇمكىندىگىن ءازىل رەتىندە مەڭزەگەن بولاتىن.
BBC دەرەگىنشە، قىزمەتىنە كىرىسكەننەن كەيىن كوپ ۇزاماي دونالد ترامپ ورتالىقتىڭ ديرەكتورلار كەڭەسىنىڭ بارلىق بۇرىنعى مۇشەسىن قىزمەتتەن بوساتىپ، ولاردىڭ ورنىنا وزىنە جاقىن ساياسي وداقتاستارىن تاعايىنداعان. كەيىن جاڭارتىلعان قۇرام ترامپتى كەڭەس توراعاسى ەتىپ سايلاعان.
ديرەكتورلار كەڭەسىنىڭ توراعاسى بولىپ پرەزيدەنتتىڭ كەڭەسشىسى ءارى ارنايى تاپسىرمالار جونىندەگى وكىلى ريچارد گرەنەلل تاعايىندالدى. قازىرگى تاڭدا كەڭەس قۇرامىندا اقش-تىڭ باس پروكۋرورى پەم بوندي، اق ءۇي اپپاراتىنىڭ باسشىسى سيۋزي ۋايلز، ەكىنشى حانىم ۋشا ۆەنس، سونداي-اق ترامپ اكىمشىلىگىنىڭ وزگە دە جوعارى لاۋازىمدى تۇلعالارى مەن ساياسي سەرىكتەستەرى بار.
سونىمەن قاتار پرەزيدەنتتىڭ باستاماسىمەن كونگرەسس ورتالىقتى كۇردەلى جوندەۋدەن وتكىزۋ جانە وزگە دە شىعىندار ءۇشىن شامامەن 257 ميلليون دوللار بولگەن. جاقىندا بۇل نىساندا فۋتبولدان الەم چەمپيوناتىنىڭ جەرەبە تارتۋ ءراسىمى دە وتكەن.
ء"بىز ونى ساقتاپ قالدىق. ول وتە ناشار جاعدايدا ەدى", - دەدى دونالد ترامپ ورتالىق تۋرالى پىكىر ءبىلدىرىپ
