امەريكا پرەزيدەنتى دونالد ترامپ بريتاندىق BBC كورپوراتسياسىنا قارسى 1-5 ميلليارد دوللار كولەمىندە تالاپ ارىز بەردى، دەپ حابارلايدى "ادىرنا" ۇلتتىق پورتالى.
ترامپ كورپوراتسيانى ءوزىنىڭ 2021 جىلعى 6 قاڭتارداعى ءسوزىن «Panorama» باعدارلاماسىندا بۇرمالاۋ مەن مانيپۋلياتسيا جاساعانى ءۇشىن سوتقا بەرەتىنىن حابارلاعان ەدى.
BBC رەداكتسياسى ارىزدىڭ 2025 جىلعى 15 جەلتوقساندا فلوريدا شتاتىنىڭ سوتىنا تۇسكەنىن راستاپ، اقپارات تاراتتى.
ترامپتىڭ ادۆوكاتتارى كورپوراتسيانى كوممەرتسيالىق قۇقىق نورمالارىن بۇزدى دەپ ايىپتاپ، «قاساقانا، زيانكەستىك پەن اداستىراتىن رەداكتۋرا» جاساعانىن العا تارتادى.
BBC باسشىلىعى ازىرگە ارىزدى رەسمي تۇردە تۇسىندىرمەدى.
ايتا كەتەيىك، قاراشا ايىندا BBC امەريكاندىق كوشباسشىدان مونتاجدالعان سوزدەر ءۇشىن كەشىرىم سۇراعانىمەن، وتەماقى تالاپتارىن قاناعاتتاندىرماي، ايىپتاۋ نەگىزى جوق ەكەنىن مالىمدەگەن ەدى.
