مويىنتى ستانتسياسىندا جارىلىس بولىپ، ونىڭ سالدارىنان ءورت شىقتى. ءورت 300 شارشى مەتر اۋماقتى شارپىعان، دەپ حابارلايدى "ادىرنا" ۇلتتىق پورتالى.
توتەنشە جاعدايلار مينيسترلىگىنىڭ مالىمەتىنشە، العاشقى ءورت ءسوندىرۋ بولىمشەلەرى كەلگەن ساتتە ءورت عيماراتتىڭ بۇكىل اۋماعىنا تارالعان بولاتىن. شامامەن 200 شارشى مەتر اۋماقتا شاتىر مەن اراقابىرعالار قۇلاعان.
قۇتقارۋشىلار ۇيىندىلەردى كوتەرىپ، زاقىمدانعان قۇرىلىمداردى تەكسەرىپ، ءورتتىڭ قايتا تۇتانۋىنا جول بەرمەۋ ءۇشىن قاجەتتى شارالار قابىلداۋدا.
وقيعا سالدارىنان ەكى ادام قازا تاۋىپ، تاعى ءبىر ادام اۋداندىق اۋرۋحاناعا جەتكىزىلگەن. الدىن الا مالىمەتتەر بويىنشا، ءورتتىڭ سەبەبى تۇرمىستىق گاز باللوندارى مەن گاز جابدىقتارىن قاۋىپسىز پايدالانۋ ەرەجەلەرىنىڭ بۇزىلۋى بولۋى مۇمكىن.
كۋاگەرلەردىڭ ايتۋىنشا، ءورت سوندىرۋشىلەر مويىنتىعا بىردەن جەتە الماعان. سەبەبى ەلدى مەكەندە ءورت ءسوندىرۋ دەپوسى جوق، ال ەڭ جاقىن ءبولىم شامامەن 150 شاقىرىم قاشىقتىقتا ورنالاسقان.
قۇتقارۋشىلار قازىرگى ۋاقىتتا ءورتتى تولىق باقىلاۋعا الىپ، قاۋىپسىزدىك شارالارىن كۇشەيتۋ ۇستىندە.
ايتا كەتەيىك، ورالدا بوس تۇرعان پاتەردە ءورت شىعىپ، ارتىنشا ۇلكەن جارىلىس .
