يەمەننىڭ ەل-بايدا پروۆينتسياسىندا اۆتوجانارماي قۇيۋ ستانتسياسى مەن گاز قويماسىنىڭ جارىلدى. سالدارىنان 10 ادام قازا تاۋىپ، 65 ادام ءتۇرلى جاراقات الدى، دەپ حابارلايدى "ادىرنا" ۇلتتىق پورتالى Yemen Online-عا سىلتەمە جاساپ.
زاحەر اۋدانىندا بولعان جارىلىس تىزبەكتى رەاكتسيا تۋدىرىپ، سونىڭ سالدارىنان ەكى كورشى جانارماي ستانتسياسى مەن جاقىن ماڭداعى كوممەرتسيالىق قويمالار ورتەنىپ كەتكەن.
جارىلىس كەزىندە جانارماي قۇيۋ ستانتسياسىندا كوپ كليەنت بولعان. بۇل ادامداردىڭ ورتەنگەن كەشەننەن قاشىپ شىعۋعا تىرىسۋىنان حاوس تۋدىردى. جەرگىلىكتى ۇكىمەت وكىلىنىڭ ايتۋىنشا، جانارماي قۇيۋ ستانتسياسىنداعى جارىلىس سالدارىنان كەم دەگەندە 10 ادام قازا تاۋىپ، 65-تەن استام ادام جاراقات العان.
"جارىلىستىڭ سەبەبى ءالى بەلگىسىز، ونى بيلىك ورگاندارى تەرگەپ جاتىر", – دەپ حابارلادى Yemen Online.
