دۇكەن ءماسىمحانۇلى “قىتاي ادەبيەتىنىڭ دوسى” سىيلىعىمەن ماراپاتتالدى

1525
Adyrna.kz Telegram
https://adyrna.kz/storage/uploads/hPgYZboh94NMC1Im6fdbiSCl3mk4yNxEeFxN4mBa.jpg

ر.ب. سۇلەيمەنوۆ اتىنداعى شىعىستانۋ ينستيتۋتىنىڭ باس ديرەكتورى دۇكەن ءماسىمحانۇلى  “قىتاي ادەبيەتىنىڭ دوسى” سىيلىعىمەن ماراپاتتالدى. بۇل تۋرالى ينستيتۋتتىڭ ءباسپاسوز قىزمەتى مالىمدەدى، دەپ حابارلايدى “ادىرنا”.

اقپاراتقا سايكەس، قحر بيلىگىنىڭ تاپسىرماسى بويىنشا قىتاي جازۋشىلار وداعى مەن نانكين قالالىق  اكىمدىگى بىرلەسىپ شىلدەنىڭ 20-24 كۇندەرى نانكين قالاسىندا دۇنيەجۇزى قىتايتانۋشى عالىمدارىنىڭ 7-ءشى ءداستۇرلى فورۋمىن وتكىزىپ جاتىر.

وعان دۇنيەجۇزىنىڭ تۇكپىر-تۇكپىرىندەگى  30-دان  استام ەلدىڭ  50-شاقتى  قىتايتانۋشى عالىمدارى مەن اۋدارماشىلارى، قىتايدىڭ ءوزىنىڭ  ەڭ تالانتتى، ەڭ جاس 40 قالامگەرى قاتىسۋدا.

وسى جينالىسقا نانكين قالاسىنا قازاقستان جانە ورتا ازيا ايماعىنان ر.ب. سۇلەيمەنوۆ اتىنداعى شىعىستانۋ ينستيتۋتىنىڭ باس ديرەكتورى دۇكەن ءماسىمحانۇلى مەن اينۇر ابيدەنقىزىن ارنايى شاقىرىلدى.

"دۇكەن ءماسىمحانۇلىنىڭ 2023 جىلى  كۇزدە 30 جىلدان بەرى قىتاي ادەبيەتىنەن جاساعان كوركەم اۋدارمالارىن جيناقتاپ، "قىتاي قالامگەرلەرىنىڭ تاڭدامالى شىعارمالارى" دەگەن اتپەن  بەس تومدىق كىتاپ باسپادان شىعارىپ، ەلىمىزدىڭ بارلىق كىتاپحانالارى مەن  ءبىراز قالامگەرلەرگە سىيلاعان بولاتىن.

دۇكەن ءماسىمحانۇلىنىڭ وسى ەڭبەگىن ەسكەرگەن ۇيىمداستىرۋشىلار نانكين قالاسىندا ءوتىپ جاتقان فورۋمنىڭ پلەنارلىق وتىرىسىندا “قىتاي ادەبيەتىنىڭ دوسى” دەگەن  سىيلىق تابىستالدى", دەلىنگەن حابارلامادا.

پىكىرلەر