21 شىلدە - «الاش» پارتياسىن قۇرۋ شەشىمى قابىلدانعان قۇرىلتاي باستالعان كۇن، دەپ حابارلايدى "ادىرنا" ءتىلشىسى.
وسىدان 108 جىل بۇرىن ورىنبوردا I جالپىقازاق سەزى ءوتتى. وعان وعان اقمولا، تورعاي، ورال، سىرداريا، جەتىسۋ، فەرعانا وبلىستارىنان جانە بوكەي ورداسىنان 20-عا جۋىق وكىل قاتىستى.
سەزگە حالەل دوسمۇحامەدوۆ توراعالىق ەتتى. احمەت بايتۇرسىنوۆ توراعانىڭ سەرىكتەسى، مىرجاقىپ دۋلاتوۆ پەن اسىلبەك سەيىتوۆ حاتشىلارى بولىپ بەكىتىلدى.
سەزگە جينالعاندار سول كەزەڭدەگى قازاق قوعامى ءۇشىن اسا ماڭىزدى دەگەن 14 ماسەلەنى تالقىلاۋعا ۇسىندى. سونىڭ ىشىندەگى ەڭ باستىسى «الاش» پارتياسىن قۇرۋ تۋرالى شەشىم بولدى. سەزد قابىلداعان قاۋلىعا سايكەس، قۇرىلاتىن بۇل پارتيا دەموكراتيالىق قاعيداتتارعا نەگىزدەلگەن، پارلامەنتتىك جۇيەنى ۇستاناتىن، قازاق حالقىنىڭ ۇلتتىق مۇددەسىن قورعاۋدى
پارتيانى قۇرۋ ءىسى ءاليحان بوكەيحاننىڭ جەتەكشىلىگىمەن باستالىپ، الدىمەن ونىڭ ايماقتىق بولىمشەلەرى ۇيىمداستىرىلا باستادى. بوكەي ورداسىنان باستاپ جەتىسۋ، فەرعانا مەن ءامۋداريا ايماعىنداعى قازاق ۋەزدەرى، كاسپي ماڭى مەن التاي گۋبەرنياسىنا قاراستى وڭىرلەر تۇگەلدەي قازاق-قىرعىز اۆتونومياسىنىڭ قۇرامىنا ەنگىزىلدى.
پارتيانىڭ باعدارلامالىق جوباسى 1917 جىلى «قازاق» گازەتىندە جاريالانىپ، حالىققا تانىستىرىلدى.
وسىلايشا، تاۋەلسىزدىك پەن بوستاندىق يدەياسى ۇلت ءۇشىن ماڭىزدى قادامدارعا جول اشىپ، جاڭا داۋىردەگى مەملەكەتتىلىكتىڭ نەگىزىن قالادى. عاسىرعا جۋىق ۋاقىت وتسە دە، قازاقستان الاش ارداگەرلەرىنىڭ ارمانىنا ادالدىق تانىتىپ، ەل دامۋى مەن كەمەل بولاشاق جولىندا سەنىمدى تۇردە العا باسىپ كەلەدى.
