ماسكەۋ باكۋمەن ارىپتەستىك جانە وداقتاستىق قاتىناستاردا بولۋدى قالايدى. بۇل تۋرالى رەسەي پرەزيدەنتىنىڭ ءباسپاسوز حاتشىسى دميتري پەسكوۆ ايتتى، دەپ حابارلايدى «ادىرنا» ءتىلشىسى.
«رەسەي مەن ازەربايجان — ەڭ جاقىن ارىپتەستەر ءارى وداقتاستار. ەكى ەلدى ورتاق تاريح، ورتاق بۇگىنگى كۇن جانە ورتاق بولاشاق بىرىكتىرەدى. ءوز ارامىزدا تۋىندايتىن بارلىق ماسەلە، ءسوزسىز، كونسترۋكتيۆتى جولمەن شەشىلۋى ءتيىس جانە بۇل ەكىجاقتى قارىم-قاتىناسىمىزدىڭ جالپى رۋحىنا ساي بولۋى قاجەت»،—دەدى ول.
پەسكوۆ باكۋدەگى رەسەي ەلشىلىگى مەن رەسەي سىرتقى ىستەر مينيسترلىگى ازەربايجان تاراپىمەن تۇراقتى بايلانىستا ەكەنىن اتاپ ءوتتى.
ايتا كەتەيىك، 27 ماۋسىم كۇنى تاڭەرتەڭ فسب قىزمەتكەرلەرى ەكاتەرينبۋرگتەگى بىرنەشە مەكەنجايعا رەيد ۇيىمداستىرىپ، ەتنيكالىق نەگىزدە قىلمىس جاسادى دەگەن كۇدىكپەن
فسب بۇل رەيدتىڭ بىرنەشە جىل بويى ادام ءولتىرۋ مەن وزگە دە قىلمىستار جاسادى دەپ كۇدىككە ىلىنگەن ەتنيكالىق بانداعا قارسى باعىتتالعانىن حابارلادى. اتاپ ايتقاندا، 2001 جىلى ەكاتەرينبۋرگ تۇرعىنى يۋنيس پاشاەۆتى توپ بولىپ ءولتىرۋ ءىسى بويىنشا سافاروۆ باۋىرلارى بۇرىن دا كۇدىككە ىلىنگەنىمەن، ول كەزدە دالەل تابىلماعان.
بۇل وقيعاعا بايلانىستى باكۋ مەن ماسكەۋ اراسىندا ديپلوماتيالىق شيەلەنىس كۇشەيدى. بۇعان دەيىن ازەربايجاننىڭ ءوز اۋماعىندا رەسەيدىڭ مادەني شارالارىن وتكىزۋگە شەكتەۋ قويعانىن جازعان ەدىك.