بۇگىن، 6 شىلدەدە، قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆ 85 جاسقا تولدى، دەپ حابارلايدى "ادىرنا" ۇلتتىق پورتالى.
قازاقستاندى وتىز جىلعا جۋىق باسقارعان نازارباەۆ — ەل تاريحىنداعى ەڭ ۇزاق بيلىك جۇرگىزگەن تۇلعا.
1990 جىلى 24 ساۋىردە قازاق كسر جوعارعى كەڭەسىنىڭ شەشىمىمەن قازاق كسر-ءىنىڭ تۇڭعىش پرەزيدەنتى بولىپ تاعايىندالدى.
1991 جىلى 1 جەلتوقساندا بۇكىلحالىقتىق العاشقى پرەزيدەنتتىك سايلاۋدا 98,7% داۋىسپەن جەڭىسكە جەتىپ، قازاقستان رەسپۋبليكاسىنىڭ تۇڭعىش پرەزيدەنتى بولىپ سايلاندى.
2019 جىلى 19 ناۋرىزدا نۇرسۇلتان نازارباەۆ پرەزيدەنتتىك وكىلەتتىگىن توقتاتاتىنىن مالىمدەپ، بيلىكتى قاسىم-جومارت توقاەۆقا تاپسىردى.
الايدا ول قاۋىپسىزدىك كەڭەسىنىڭ توراعاسى، سونداي-اق «Nur
ساراپشىلاردىڭ ايتۋىنشا، نازارباەۆ پرەزيدەنتتىكتەن كەيىن دە كادرلىق ساياسات، ەكونوميكالىق اكتيۆتەر جانە ەليتامەن بايلانىس ارقىلى باسقارۋشى جۇيەگە اسەر ەتىپ وتىرعان دەلىنەدى.
الايدا 2022 جىلعى قاڭتار وقيعالارىنان كەيىن نازارباەۆتىڭ بيلىك جۇيەسىندەگى ءرولى كۇرت السىرەدى. قاۋىپسىزدىك كەڭەسىنەن شەتتەتىلىپ، پارتيادان دا كەتتى. بۇرىنعى جاقتاستارى قىزمەتتەرىنەن بوساتىلىپ، كەيبىرى قىلمىستىق جاۋاپكەرشىلىككە تارتىلدى.
5 شىلدەدە پرەزيدەنت قاسىم-جومارت توقاەۆ نۇرسۇلتان نازارباەۆتى 85 جاسقا تولۋىمەن قۇتتىقتادى. قۇتتىقتاۋ حاتىندا توقاەۆ ەلباسىنىڭ مەملەكەتتىلىك پەن ەگەمەندىكتىڭ قالىپتاسۋىنا قوسقان ۇلەسىن اتاپ وتكەن.