Bügın, 6 şıldede, Qazaqstan Respublikasynyŋ tūŋǧyş prezidentı Nūrsūltan Nazarbaev 85 jasqa toldy, dep habarlaidy "Adyrna" ūlttyq portaly.
Qazaqstandy otyz jylǧa juyq basqarǧan Nazarbaev — el tarihyndaǧy eŋ ūzaq bilık jürgızgen tūlǧa.
1990 jyly 24 säuırde Qazaq KSR Joǧarǧy Keŋesınıŋ şeşımımen Qazaq KSR-ınıŋ tūŋǧyş prezidentı bolyp taǧaiyndaldy.
1991 jyly 1 jeltoqsanda bükılhalyqtyq alǧaşqy prezidenttık sailauda 98,7% dauyspen jeŋıske jetıp, Qazaqstan Respublikasynyŋ tūŋǧyş prezidentı bolyp sailandy.
2019 jyly 19 nauryzda Nūrsūltan Nazarbaev prezidenttık ökılettıgın toqtatatynyn mälımdep, bilıktı Qasym-Jomart Toqaevqa tapsyrdy.
Alaida ol Qauıpsızdık keŋesınıŋ töraǧasy, sondai-aq «Nur Otan» partiiasynyŋ töraǧasy retınde eldıŋ saiasi prosesıne yqpal etudı jalǧastyrdy.
Sarapşylardyŋ aituynşa, Nazarbaev prezidenttıkten keiın de kadrlyq saiasat, ekonomikalyq aktivter jäne elitamen bailanys arqyly basqaruşy jüiege äser etıp otyrǧan delınedı.
Alaida 2022 jylǧy Qaŋtar oqiǧalarynan keiın Nazarbaevtyŋ bilık jüiesındegı rölı kürt älsıredı. Qauıpsızdık keŋesınen şettetılıp, partiiadan da kettı. Būrynǧy jaqtastary qyzmetterınen bosatylyp, keibırı qylmystyq jauapkerşılıkke tartyldy.
5 şıldede Prezident Qasym-Jomart Toqaev Nūrsūltan Nazarbaevty 85 jasqa toluymen qūttyqtady. Qūttyqtau hatynda Toqaev Elbasynyŋ memlekettılık pen egemendıktıŋ qalyptasuyna qosqan ülesın atap ötken.
