رەسەي فەدەراتسياسى بيلىگى ەلدەگى دەموگرافيالىق احۋالعا قاتىستى ماڭىزدى ستاتيستيكانى جاريالاۋدى توقتاتتى، دەپ حابارلايدى "ادىرنا" ۇلتتىق پورتالى The Moscow Times باسىلىمىنا سىلتەمە جاساپ.
مامىر ايىندا جاريالانعان «رەسەيدىڭ الەۋمەتتىك-ەكونوميكالىق جاعدايى» اتتى ەسەپتە حالىقتىڭ تابيعي ءوسىمى، تۋ مەن ءولىم-ءجىتىم سانى، نەكە مەن اجىراسۋ كورسەتكىشتەرى، كوشى-قون جانە ءتىپتى ەلدەگى جالپى حالىق سانىنا قاتىستى مالىمەتتەر مۇلدە جوق. بۇعان دەيىن روسستات تەك ناۋرىز جانە ءبىرىنشى توقسان بويىنشا جالپى سانداردى عانا كەلتىرىپ، ايماقتىق بولىنىستەگى دەرەكتەردى ۇسىنباعان.
MMI ساراپشىلارى بۇل جاعدايعا الاڭداۋشىلىق ءبىلدىرىپ، رەسەي ۇكىمەتىنەن
ء«بىز ەلدە قانشا ادام ءومىر ءسۇرىپ جاتقانىنان، قانشاسى تۋىپ، قانشاسى قايتىس بولعانىنان بەيحابار قالىپ وتىرمىز»، – دەلىنگەن ساراپشىلار پىكىرىندە.
ساراپشىلاردىڭ ايتۋىنشا، ۋكراينامەن سوعىس رەسەيدەگى دەموگرافيالىق داعدارىستى ودان ءارى ۋشىقتىرعان. بۇعان دەيىنگى روسستات بولجامى بويىنشا، 2046 جىلعا قاراي رەسەي حالقى 138,8 ميلليون ادامعا دەيىن ازايۋى مۇمكىن. تابيعي كەمۋ 12 ميلليوننان اساتىن بولادى، الايدا بۇل كورسەتكىش كوشى-قون ەسەبىنەن ءىشىنارا وتەلەدى دەپ كۇتىلۋدە.
