دەپۋتات ەلىمىزدەگى العاشقى كرەماتوريدىڭ تولىققاندى جۇمىس ىستەمەي تۇرعانىن ايتتى، دەپ حابارلايدى "ادىرنا" ۇلتتىق پورتالى Tengrinews.kz-كە سىلتەپ.
ءماجىلىس دەپۋتاتى سەرگەي پونومارەۆ Instagram پاراقشاسىندا كرەماتوريدىڭ ىشكى كورىنىسىن جانە ورناتىلعان قۇرىلعىلاردى كورسەتتى. ونىڭ ايتۋىنشا، نىساندا چەحيادا جاسالعان، گازبەن جۇمىس ىستەيتىن ەكى پەش ورناتىلعان. كرەماتوري قۇرىلىسىنا 1,5 ميلليارد تەڭگە جۇمسالعان، بارلىق كوممۋنيكاتسيالار تولىق قوسىلعان.
دەپۋتاتتىڭ ەسەبىنشە، الماتى حالقىنىڭ سانى الداعى جىلدارى 8 ميلليونعا دەيىن ءوسۋى مۇمكىن. ال قازىرگى تاڭدا قالاداعى 70 زيراتتىڭ 61-ءى تولىپ قالعان. سوندىقتان كرەماتوريدىڭ اشىلۋ ماسەلەسى وتە وزەكتى بولىپ وتىر.
سونىمەن قاتار، جاڭا نىساندا بيولوگيالىق، مەديتسينالىق جانە ينفەكتسيالىق قالدىقتاردى ورتەۋ مۇمكىندىگى قاراستىرىلعان.
الايدا، ازىرگە كرەماتوري پايدالانۋعا
الماتى قالالىق قۇرىلىس باسقارماسى بۇل ماسەلەنى راستادى.
«ادىلەت جانە دەنساۋلىق ساقتاۋ مينيسترلىكتەرىنىڭ اقپاراتىنا سايكەس، ولار كرەماتوريدى ءوز قۇزىرىنا قابىلداۋدان باس تارتتى. وسىعان بايلانىستى قالا اكىمدىگى زاڭ اياسىندا بالامالى شەشىمدەردى قاراستىرۋدا. ازىرگە بالانس ۇستاۋشى انىقتالعان جوق»، – دەلىنگەن باسقارما جاۋابىندا.
قازىرگى ۋاقىتتا نىساندى مەملەكەتتىك ريتۋالدىق قىزمەت كومبيناتىنىڭ تەڭگەرىمىنە بەرۋ مۇمكىندىگى قاراستىرىلۋدا. دەپۋتاتتىڭ پىكىرىنشە، بۇل ماسەلەنى ۇزاققا سوزباي شەشۋ قاجەت، ويتكەنى مەگاپوليس قاجەتتىلىگى جىلدان-جىلعا ارتىپ كەلەدى.
