سولتۇستىك ماكەدونيادا وتكەن بالقان جاسوسپىرىمدەر ماتەماتيكالىق وليمپياداسىندا قازاقستاندىق وقۋشىلار تاريحي جەتىستىككە قول جەتكىزدى، دەپ حابارلايدى "ادىرنا" ۇلتتىق پورتالى.
سولتۇستىك ماكەدونيادا جاسوسپىرىمدەرگە ارنالعان بالقان ماتەماتيكالىق وليمپياداسى (JBMO) اياقتالدى. وندا قازاقستان ۇلتتىق قۇراماسى قاتىسۋ تاريحىنداعى ەڭ ۇزدىك ناتيجەگە قول جەتكىزدى: ءتورت التىن، ءبىر كۇمىس جانە ءبىر قولا مەدال. 24 ەل اراسىنداعى كوماندالىق ەسەپتە ءبىزدىڭ وقۋشىلار ەكىنشى ورىندى يەلەندىى. بۇل تۋرالى قر وقۋ-اعارتۋ مينيسترلىگىنىڭ ءباسپاسوز قىزمەتى مالىمدەدى.
التىن مەدال يەگەرلەرى:
انۋار اعىباەۆ – الماتى قالاسىنداعى NurOrda حالىقارالىق مەكتەبىنىڭ 9-سىنىپ وقۋشىسى;
الەكساندر ولەينيكوۆ – الماتى قالاسىنداعى NurOrda حالىقارالىق مەكتەبىنىڭ 9-سىنىپ وقۋشىسى;
جاڭگىر بۋلات – الماتىداعى رەسپۋبليكالىق فيزيكا-ماتەماتيكا مەكتەبىنىڭ 8-سىنىپ وقۋشىسى;
باتىرحان بەيعانوۆ – الماتىداعى رەسپۋبليكالىق فيزيكا-ماتەماتيكا مەكتەبىنىڭ 9-سىنىپ وقۋشىسى.
كۇمىس مەدال يەگەرى:
نۇرتاي مالىك – اقتوبە وبلىستىق ءبىلىم-يننوۆاتسيا ليتسەي-ينتەرناتىنىڭ 9-سىنىپ وقۋشىسى.
قولا مەدال يەگەرى:
ميراس كەڭەسبەك – قاراعاندى وبلىستىق ءبىلىم-يننوۆاتسيا ليتسەي-ينتەرناتىنىڭ 9-سىنىپ وقۋشىسى.
JBMO – 16 جاسقا دەيىنگى وقۋشىلارعا ارنالعان بەدەلدى حالىقارالىق وليمپيادا. قازاقستان بۇل جارىسقا 2004 جىلدان بەرى قاتىسىپ كەلەدى جانە جىل سايىن ۇزدىك كوماندالاردىڭ قاتارىنان كورىنىپ ءجۇر. وتكەن جىلى تۇركيانىڭ انتاليا قالاسىندا وتكەن وليمپيادادا دا قازاقستان قۇراماسى التى مەدال جەڭىپ العان بولاتىن.
