ەلوردانىڭ "سارى" ايماققا وتۋىنە بايلانىستى نۇر-سۇلتان قالاسى باس سانيتار دارىگەرى سارحات بەيسەنوۆانىڭ قاۋلىسى شىقتى، دەپ حابارلايدى "ادىرنا" ۇلتتىق پورتالى.
قاۋلىعا سايكەس قالادا مىنا شارالاردى ساقتاۋ ۇسىنىلادى:
- ادامدار كوپ جينالاتىن ورىندارعا (اۆتوۆوكزالدار، ساۋدا-ويىن-ساۋىق ورتالىقتارى، ساۋدا ۇيلەرى، جابىق بازارلار، كونتسەرت زالدارى، تەاترلار، كينوتەاترلار، حالىققا قىزمەت كورسەتۋ ورتالىقتارى (حقكو), بانكتەر، ستاديوندار جانە باسقا دا سپورتتىق قۇرىلىمدارى جانە ت. ب.), ۇيىمداسقان ۇجىمدارعا بارعان كەزدە، سونداي-اق قالالىق قوعامدىق كولىكتە جول جۇرگەن كەزدە بەتپەردە كيۋ، 5 جاسقا دەيىنگى بالالاردى جانە تاماقتانۋ كەزىن قوسپاعاندا;
- قاتىسۋشىلار سانى 10 ادامنان اساتىن كەڭەستەر (وتىرىستار) وتكىزۋدى قاشىقتىقتان وتكىزۋ تۇرىنە كوشىرۋ.
نۇر-سۇلتان قالاسىنىڭ اكىمدىگى، نۇر-سۇلتان قالاسىنىڭ كاسىپكەرلەر پالاتاسى، مەملەكەتتىك ورگاندار، قۇقىق قورعاۋ جانە ارنايى ورگاندار، كاسىپورىنداردىڭ، ۇيىمداردىڭ باسشىلارى، كاسىپكەرلىك سۋبەكتىلەرى قامتاماسىز ەتسىن:
- قوعامدىق ورىنداردا بەتپەردە كيۋ جونىندەگى ۇسىنىمداردى ساقتاۋدى جانە قولدى وڭدەۋگە انتيسەپتيكتەردى قولدانۋدى;
- جۇكتى ايەلدەردى، COVID-19 ۆاكتسيناتسياسىنا ءابسوليۋتتى قارسى كورسەتىلىمدەرى بار قىزمەتكەرلەردى جانە COVID-19 ناۋقاسپەن بايلانىستا بولعان ادامداردى (ديستانتسيالىق فورماتتا مىندەتتەرىن ورىنداۋ مۇمكىن ەمەس قىزمەتكەرلەردى قوسپاعاندا) قاشىقتىقتان جۇمىس ىستەۋ فورماتىنا كوشۋدى;
- تۇرعىندار اراسىندا كوروناۆيرۋستىق ينفەكتسياعا قارسى ۋاقتىلى ۆاكتسيناتسيا جانە رەۆاكتسيناتسيا بويىنشا اقپاراتتىق-ءتۇسىندىرۋ جۇمىستارىن جۇرگىزۋ;
- ءبىلىم بەرۋ ۇيىمدارىندا توپتار مەن سىنىپتاردى بىرىكتىرىپ ءىس-شارالار وتكىزۋدى بولدىرماۋ (توپتاردا ءىس-شارالار وتكىزۋگە رۇقسات ەتىلگەن);
- ادامدار كوپ جينالاتىن وبەكتىلەردە، ونىڭ ىشىندە قوعامدىق كولىكتە دەزينفەكتسيالاۋ ءىس-شارالارىن جۇرگىزۋ، جەلدەتۋ جانە اۋانى باپتاۋ جۇيەلەرىنىڭ ۇزدىكسىز جۇمىس ىستەۋى جانە جەلدەتۋ رەجيمىن ساقتاۋ جونىندەگى جۇمىستاردى ۇيىمداستىرۋدى.
قاۋلى 2022 جىلعى 23 شىلدەدەن باستاپ كۇشىنە ەنەدى.
"ادىرنا" ۇلتتىق پورتالى
