Búgin Qostanaı qalasynda Tobyl ózeni arqyly ótetin «Káris kópiri» boıynsha qozǵalys jartylaı ashyldy. Óńir basshysy Arhımed Muhambetov kópirdiń qurylysymen tanysty. Ázirge tek joldyń bir jolaǵy ǵana ashyldy. 1 jeltoqsannan bastap, qos keń jolaqty kópir tutastaı qoldanysqa beriledi, dep habarlaıdy “Adyrna” ulttyq portaly Qostanaı oblysy ákiminiń baspasóz qyzmetine silteme jasap.
Búgingi kúni barlyq negizgi jumys túrleri aıaqtaldy jáne synaqtardan sátti ótti.
Joba aıasynda kópirge kireberisti I tehnıkalyq sanatqa deıin jetkizý jumystary júrgizildi, búgingi tańda avtokólik qozǵalysyna arnalǵan 4 jolaq bar, al joldyń júrý bóliginiń eni - 15 m, kópirdiń uzyndyǵy-261 m quraıdy.
Osylaısha Tobyl ózeni arqyly ótetin basqa 2 kópirge júkteme azaıady.
Zarechnoe aýyly men Tobyl qalasynyń turǵyndary jáne oblys ortalyǵy arqyly ótetin júretin kólikter elimizdiń ortalyq aımaǵyna tezirek jetýge múmkindik aldy.
“Adyrna” ulttyq portaly
