Semeı ákimdiginde pedagogtardyń qalalyq senbilikke qatysýy týraly túsinikteme berildi. Semeı qalasy ákiminiń orynbasary men bilim bóliminiń basshysy jýrnalısterge bul máseleden qorqatyn túgi de joq ekenin aıtty, dep habarlaıdy "Adyrna" ulttyq portaly.
Esterińizge sala keteıik, Arnapress.kz portaly Semeıde kóshe sypyryp júrgen muǵalimder týraly habarlaǵan bolatyn. Portaldyń redakııasynyń qaraýynda qala ákiminiń orynbasary Dmıtrıı Garıkov qol qoıǵan senbilik kúnin uıymdastyrý týraly hat boldy. Onda ákimdiktiń bólim basshylaryna menshik nysanyna qaramastan barlyq mekemeler men kásiporyndardyń senbilikke shyǵýyn uıymdastyrý tapsyryldy. Daý-damaıdan keıin ákim orynbasary qol qoıǵan qujatqa jáne muǵalimderdiń erikti senbilikke qatysýyna qatysty túsinikteme berdi.
Ákimdiktiń sózine sensek, ár muǵalim senbilikke "óz erkimen" shyǵypty. Qala parkterin, baqandaı 15 kóshe men úılerdiń aýlalaryn sypyrýǵa bir mezette myńdaǵan adam "qulshyna" shyǵypty. Ásirese, muǵalimder.
Ákimniń orynbasary Dmıtrıı Garıkovtiń aıtýynsha, muǵalimderge "kóshe sypyr" dep eshkim nusqaý bermegen. Bári "óz erikterimen", "ujym bolyp", "sanaly túrde" shyqqan.
- Eger biz muǵalimderdi senbilikke bir ret qana tartsaq, onda ákimdik qyzmetkerleri apta saıyn derlik shyǵady. Men bul jerde eshqandaı problemany kórmeımin. Bul bizdiń qala, biz oǵan qoldaý kórsetemiz. Semeıdiń kez kelgen patrıoty senbilikke qýana — qýana shyǵady dep oılaımyn. Bul senbilikter bizde buryn da ótkizildi, ótkiziledi, alda da ótkiziletin bolady, osyny taǵy da atap ótkim keledi, — dedi Dımıtrıı Garıkov.
Semeı qalasynyń bilim bóliminiń basshysy Natalııa Fesenko bolsa, senbilikke qatysý muǵalimderge tán fýnkııa emes ekendigimen kelisti. Sonymen qatar, ol senbilikke qatysý týraly sońǵy sheshimdi mektep dırektorlary qabyldaǵanyn jáne pedagogtardy eshkim sypyrǵysh pen tyrma alýǵa májbúrlemegenin atap ótti.
- Keıbir BAQ-tar senbilik týraly burmalanǵan aqparat taratty. Sóıtip, kóp adamdy adastyrdy. Senbilik kezinde sabaq bolmaı qalǵan joq. Jospardaǵy tártippen oqý úderisi júrdi. Senbilik týraly habardy dırektorlar jarııalady. Al eger muǵalimder senbilikke shyqqysy kelse, onda turǵan eshteńe joq. Árıne, eshkimniń májbúrleýge quqyǵy joq, - dedi Natalıa Fesenko.
Áıteýir, sózderiniń uqqanymyz, munymyz durys bolmady degen sheneýnikter joq. Buǵan qaraǵanda muǵalimder aýla sypyrýshylarǵa áli de talaı básekeles bola bermek.
Odan bólek Semeı ustazdaryna qatysty QR Bilim jáne ǵylym mınıstri Ashat Aımaǵambetov áleýmettik jelide óz narazylyǵyn bildirgen bolatyn. Mınıstr muǵalimderdi erekshe fýnkııalarǵa tartýǵa 2019 jyldyń jeltoqsanynda qabyldanǵan zańmen tyıym salynǵanyn eske saldy. Sodan beri mundaı zań buzýshylyqtar úshin 200-ge jýyq basshy jumystan bosatylǵanǵa deıin jazalandy.
- Muǵalimdi mindetine kirmeıtin jumystarǵa tartýǵa zań tyıym salady. Bul zań 2019 jyly jeltoqsan aıynda qabyldanǵan edi. Muǵalimder tek qana tikeleı qyzmetimen aınalýy kerek ekenin túsinetindeı ýaqyt ótti. Mundaı zań buzýshylyq úshin eki júzge tarta basshylar jaýapqa tartylǵan. Birazy tártiptik jáne ákimshilik jazaǵa tartylsa, birazy jumysynan qýyldy", — dep ashý shaqyrǵan bolatyn Aımaǵambetov.
Mınıstr Memlekettik qyzmet isteri jónindegi agenttikke qajetti shara qoldaný úshin shaǵymdanatynyn, qalanyń bilim berý bólimderi basshylarynyń da jaýapqa tartylatynyn eskertken.
Eske sala keteıik, buǵan deıin Ashat Aımaǵambetov mektep dırektorlaryn aýystyrýǵa da quzyry joq ekenin, bilim basqarmalary men mektepter tikeleı jergilikti ákimdikterge qaraıtynyn aıtqan. Bilim salasyndaǵy jemqorlyq, tamyr-tanystyq jáne basqa da keleńsiz jaıttardyń qylań berýi osydan shyǵyp otyrǵanyn da jetkizgen.
"Adyrna" ulttyq portaly
