Qazaqstandyq bilim berýde mektep basshylary alǵash ret arnaıy ózderine jáne olardyń kásibı damýy men kóshbasshylyǵyna arnalǵan taqyryptyq forýmda bas qosty. NIS Pedagogıkalyq sheberlik ortalyǵy Astanada tórt júzden astam dırektordy biriktirdi, alty júzden astam dırektor elimizdiń barlyq óńirlerinen onlaın qosyldy. Eki kún boıy olar tabysqa jetý strategııasynda jeke jáne komandalyq basymdyqtardy anyqtady.
«Bilim berýdegi ózgeristerdiń 1000 kóshbasshysy» kadrlyq rezervti daıyndaý jónindegi prezıdenttik baǵdarlamanyń alǵashqy túlekteri halyqaralyq ıntensıvtiń negizgi delegattary atandy. Olardyń barlyǵy Pedagogıkalyq sheberlik ortalyǵynda oqýlaryn aıaqtap, mamandyqqa jańa qadam jasaýǵa daıyn.
Oqý-aǵartý mınıstrliginiń Orta bilim berý komıtetiniń tóraǵasy Qanybek Jumashev pen «Nazarbaev Zııatkerlik mektepteri» DBBU Basqarma tóraǵasy Ánýar Janǵozın ıntensıvtiń ashylý saltanatynda prezıdenttik kadrlyq rezervti daıyndaý boıynsha aýqymdy baǵdarlamanyń biregeıligin erekshe atap ótti.
Baǵdarlama otandyq bilim berýdiń top-menedjerlerine arnalǵan eń ózekti jáne kreatıvti formattardy qamtıdy: «Qalaı tabysqa jetýge bolady?» keıs-sessııalary, emoıonaldy quzyrettilik boıynsha kreatıvti praktıkým, mekteptegi Talent-Management boıynsha «Muǵalimderdi shabyttandyramyz» forsaıt-sessııasy, ata-analar, oqýshylar jáne mektep basshylaryna arnalǵan ujymdyq dıskýssııa, «ıfrlyq menedjmentke arnalǵan quraldar» Digital-sessııa jáne basqalary.
Sheteldik tájirıbelerdi «360-mekteptiń» teń dırektory, brıtandyq bilim berýdi zertteý qaýymdastyǵy keńesiniń múshesi Sara Seleznev, Tallın ǵylymı mektebiniń basshysy, Estonııa muǵalimderi odaǵynyń tóraǵasy Medıs Somelar, Sıngapýrdaǵy Arbınger ınstıtýtynyń qaýymdastyrylǵan keńesshisi Saras Menon tanystyrdy. Olardyń barlyǵy jahandyq pedagogıkadaǵy strategııalyq jáne jumys algorıtmderi bir ekenin jáne kóshbasshylardyń negizgi baǵdary kóp jaǵdaıda ulttyq bilim berý júıesine emes, kóshbasshylardyń jeke standarttaryna baılanysty ekenin rastady.
Tájirıbe úshin óte qyzyqty jáne mańyzdy taqyryptar. Men kóptegen paıdaly aqparattardy bildim jáne alǵan bilimimdi tájirıbede sátti qoldana alamyn dep oılaımyn. Ártúrli elderden kelgen áriptestermen tanysqanyma, olardyń oqytý ádisteri men tájirıbesine óte qýanyshtymyn. Maǵan semınardaǵy jumys qarqyny, óz pikirin bildirý, tájirıbe almasý múmkindigi, semınar barysynda áriptester arasyndaǵy jyly atmosfera qatty unady, – deıdi Eskeldi aýdany Qarabulaq orta mektep dırektorynyń oqý isi jónindegi orynbasary Aıgúl Kosahbaeva.
«Bilim berýdegi kóshbasshy baǵdary» – Pedagogıkalyq sheberlik ortalyǵynyń mektep basshylarynyń kadr rezervin daıyndaý jáne muǵalimder men mektep basshylarynyń biliktiligin arttyrýdaǵy aýqymdy jumysynyń qısyndy jalǵasy.
