Aty-jóni belgisiz jankúıer telekameralardyń obektıvine túskisi keldi jáne oıyndaǵysyn tolyǵymen iske asyrdy.
26 maýsym kúni bastalǵan "Týr de Frans" velosport básekesinde jan túrshiktirerlik oqıǵa oryn aldy. Jarystyń alǵashqy kezeńinde joldyń shetinen shyqqan jankúıer qoldyndaǵy plakatymen veloshabandozdy qaǵyp ketip, óz zııanyn tıgizdi. Bolǵan jaǵdaı NBC telekanalynyń translıaııasyna túsip qalǵan.
Qazirgi ýaqytta izdestirilip jatqan bul azamat, qolyndaǵy plakatymen kameralardyń nazaryn ózine aýdartqysy kelgen. Árıne, maqsatyna jetti, biraq onyń quny da tym qymbattap ketkendeı. Eki ortada adam densaýlyǵyna aıtarlyqtaı zaqym keldi.
Basty zardap shegýshi sportshy - álemniń 7 dúrkin chempıony, Olımpıada oıyndarynyń kúmis medal ıegeri germanııalyq Tonı Martın (Jumbo-Visma komandasy). Jol ortasyndaǵy apat bastalǵannan keıin taǵy birneshe veloshabandoz da Martınniń artynan qulady.
Jaraqat alǵandar da joq emes. Movıstar komandasynyń ókili, ıspanııalyq Mark Solerdyń qoly eki jerden synǵan. Al Sırıl Lemýan esimdi veloshabandozdyń birneshe qabyrǵasy synyp, ókpe kollapsyna shaldyqty.
Ár jyldyń maýsym-shilde aılarynda ótetin velosporttyń basty dodasy osyndaı qıyn jaǵdaımen bastaldy. Bul báıgede elimizdiń namysyn qorǵaıtyn "Astana pro team" komandasynyń da bar ekenin eskerte keteıik.
