Būl turaly Atyrau oblysynyŋ äkımı Mahambet Dosmūhambetov Elbasy qatysuymen ötken Qazaqstan Halqy Assambleiasynyŋ HHIH sessiiasynan keiın oblystaǧy etno-mädeni bırlestıkterdıŋ ökılderımen kezdesuınde aitty.
Oblys äkımı Mahambet Dosmūhambetov 22 säuırde Memleket basşysy Qasym-Jomart Toqaevtyŋ töraǧalyǧymen öŋırdıŋ äleumettık-ekonomikalyq damu mäselelerı qaralǧan keŋeste jetı baǧyttan tūratyn naqty mındetter jüktelgenın atap öttı. Oblysty damytudyŋ 2021-2025 jyldarǧa arnalǧan Keşendı josparyn qabyldaudy tapsyrǧanyn jetkızdı.
Jiyn soŋynda Qazaqstan Halqy Assambleiasy müşelerı Zurab Bobohidzege «Qazaqstan konstitusiiasyna 25 jyl», al Aleksandr Dumlerge «Qazaqstan Halqy Assembleiasyna 25 jyl» merekelık medalın tabystady.
«Jospar jobasynda oblysqa aldaǧy 5 jylda şamamen 9,5 trln teŋge investisiialar tartu, onyŋ ışınde 8 trln 600 mlrd teŋgeden astam jeke investisiialar tartu qarastyrylǧan. Sonyŋ arqasynda 42 myŋnan astam jaŋa jūmys oryndaryn qūru közdelgen. Keşendı jospardy ıske asyru Atyrau oblysynyŋ damuyna quatty serpın berıp, azamattarymyzdy tolǧandyratyn köptegen mäselelerdı şeşuge mümkındık beredı»,- degen aimaq basşysy būl josparlardy ıske asyruda Qazaqstan halqy Assambleiasynyŋ da maŋyzdy rölge ie bolatynyn aitty.Sonymen qatar, aimaq basşysy sessiiaǧa qatysuşylardy alda kele jatqan 1 mamyr – Qazaqstan halqynyŋ bırlıgı künımen qūttyqtady.
«Täuelsızdık jyldaryndaǧy syndarly saiasattyŋ arqasynda Qazaqstanda 130-dan astam ūlt ökılderı tatu-tättı ömır sürude. Olar bırınşı mamyrda bereke men bırlıktı, beibıtşılık pen yntymaqty merekeleudı dästürge ainaldyrdy. Sızderdı osynau atauly künmen qūttyqtaimyn!»,-dedı oblys äkımı.
Jiyn soŋynda Qazaqstan Halqy Assambleiasy müşelerı Zurab Bobohidzege «Qazaqstan konstitusiiasyna 25 jyl», al Aleksandr Dumlerge «Qazaqstan Halqy Assembleiasyna 25 jyl» merekelık medalın tabystady.
