Aimaǧambetovke qarsy aqparattyq nauqan jürıp jatyr ma?

6059
Adyrna.kz Telegram
https://adyrna.kz/content/uploads/2021/01/12660038.jpg
Keşe Ükımettıŋ keŋeitılgen otyrysynda Prezident Qasym-Jomart Toqaev sapasyz bılım beretın joǧary oqu oryndaryna qatysty eskertu aitty, dep habarlaidy «Adyrna» ūlttyq portaly QazAqparatqa sılteme jasap. Prezidenttıŋ aituynşa, Ükımetke joǧary oqu oryndary üşın bölınetın memlekettık granttardy naryqtyŋ naqty sūranystarymen tyǧyz bailanystyru maqsaty jüktelıp tūr. Jyl saiyn bölınetın granttardyŋ bır bölıgı tiıstı mamandyqtardyŋ sūranysymen qamtamasyz etılmegen. Osy oraida biudjet qarjysy jelge ūşady. «Menıŋ tapsyrmam boiynşa Ükımet sapasyz bılım berıp jatqan joǧary oqu oryndaryn qysqartu jūmysyn jalǧastyryp jatyr. Alaida keibır JOO-lar türlı prosessualdyq ärekettermen oqu ornyn jabu prosesın 1,5 jylǧa deiın sozyp keledı. Bılım jäne ǧylym ministrlıgıne qarsy aqparattyq nauqan jürıp jatyr. Ükımetke tiıstı şaralardy qabyldaudy tapsyramyn», – dedı Memleket basşysy. Sonymen bırge Prezident akademiialyq adaldyqty būzǧany üşın JOO-lar jauapkerşılıgın qosymşa küşeitu kerektıgın atap öttı. Q. Toqaev sapaly bılım berıp jatqan joǧary oqu oryndaryn jan-jaqty nyǧaitu kerektıgın tapsyrdy. Tūraqty damudy qamtamasyz etu üşın 15 bazalyq öŋırlık joǧary oqu oryndaryn jaŋǧyrtu kerektıgı aityldy. Olar talanttardy tartudyŋ öŋırlık ortalyqtary retınde qyzmet etedı. Osy oraida Ükımetke äkımdıktermen bırlese 1 şıldege deiın tiıstı qadamdarmen, kezeŋdermen ärı qarjylandyru kölemımen tyŋǧylyqty jol kartasyn engızu jükteldı.
Pıkırler