"Adyrna" ulttyq portalynyń oqyrmandarynyń kishkentaı búldirshinderine arnalǵan qýanyshty jańalyǵymyz bar. Aldaǵy ýaqytta belgili jazýshy-dramatýrg, ádebıettanýshy, synshy Álibek BAIBOL aýdarǵan ártúrli halyq ertegilerin nazarlaryńyzǵa turaqty usynyp otyramyz. Ǵıbraty mol ertegilerden balalaryńyz qur qalyp qoımasyn.
Saırampaz qus (taı ertegisi)
«Azııa halyqtarynyń ertegileri» ıklynan
Ertede daýsy zor kishkene ǵana qus bolypty. El-jurt oǵan «Bul – meniki» dep at qoıyp, aıdar taǵypty, sebebi ol árkez egistik pen ózender ústinen ushyp óterde:
– Bul – meniki, bul – meniki! – dep sańq ete qalatyn uqsaıdy.
Birde álgi qus pisken jemis aǵashyn taýyp alady. Jemistiń kóptigi sonshalyq, ol bir jylda da taýysyp bitire almas edi. Aǵash mańynda birde-bir qanatty bolǵan joq.
Turqy shaǵyndaý qus taban astyndaǵy oljasyna tańyrqap, aǵashqa qona ketip, butaqtan butaqqa sekirip, ońdy-soldy, aldy-artyndaǵynyń bárin tegis shoqyp, shamaly ýaqyttan keıin toıaty qanady. Alaıda, ol ózge de qustar bilip qoıady dep seziktense kerek:
– Bul – meniki, bul – meniki, – dep jan-jaqty jańǵyrta sańqyldaıdy kep.
Daýsynyń qatty estilgeni sondaı, búkil qus ataýly ne bolǵanyn bilý muratynda sol jerge jıylady. Álgileriń ǵajaıyp, shyryndy, ári nárli jemisterdi kórgen boıda-aq kózderi oınaqshyp, jazdaı jadyrap, shoqyp-shoqyp, pyr-pyrlap usha jóneledi.
Aǵashty aınalshyqtaǵan baıqus qus baǵanaǵy áýenge basty deısiń:
– Bul – meniki, bul – meniki!
Foto ashyq derekkózden alyndy
Aýdarǵan: Qazaqstan Jazýshylar odaǵynyń
múshesi, jazýshy-dramatýrg,
ádebıettanýshy, synshy Álibek BAIBOL.
Ertegi aýdarmashynyń ruqsatymen jarııalandy.
Avtorlyq quqyq saqtalǵandyqtan kóshirip basýǵa bolmaıdy!
