Maŋǧystau oblysynda 12 qūrylys kompaniiasy zaŋsyz rūqsat alǧany anyqtaldy, dep habarlaidy “Adyrna” ūlttyq QazTAG-qa sıltep.
«Maŋǧystau oblysynyŋ prokuraturasy qūrylys salasynda lisenziia beru zaŋdylyǧyna taldau jürgızdı. Nätijesınde 12 qūrylys kompaniiasynyŋ rūqsatty zaŋsyz alǧany belgılı boldy», – delıngen prokuratura habarlamasynda.
Tekseru barysynda qūrylys firmalary öndırıstık bazalardy bır ieden jalǧa alyp, bırdei injenerlık-tehnikalyq qyzmetkerlerdı körsetkenı anyqtalǧan. Būl zaŋbūzuşylyqtar lisenziia aluǧa negız retınde paidalanylǧan.
Barlyq 12 ūiymǧa äkımşılık jaza qoldanylyp, jalpy somasy 5 mln teŋgeden astam aiyppūl salyndy. Qazırgı taŋda būl kompaniialardyŋ qyzmetı qūqyqbūzuşylyqtar joiylǧanǧa deiın uaqytşa toqtatyldy.
Prokuratura ökılderınıŋ aituynşa, qūrylys salasyndaǧy zaŋdylyqty qamtamasyz etu jūmystary jalǧasuda.
Ūqsas jaŋalyqtar
