Düniejüzılık bank (DB) Auǧanstannyŋ «Taliban» ükımetındegı Qarjy ministrlıgımen jürgızılgen kelıssözderden keiın Kabuldaǧy keŋsesınıŋ jūmysyn qaita jandandyrdy. Būl turaly Tolonews jariialady, dep habarlaidy “Adyrna”.
Degenmen, banktıŋ resmi saitynda äzırge mälımet joq.
Tolonews mälımetınşe, Düniejüzılık bank Auǧanstandaǧy logistikalyq jäne qūrylys kompaniialaryna şamamen 50 mln dollar kölemındegı qaryzdy öteu bastalǧanyn habarlaǧan. Būl tölemder tört kezeŋde jüzege asady jäne Auǧanstan Qarjy ministrlıgı arqyly jürgızıledı. Alǧaşqy tranş — 10,8 mln dollar, qalǧan 39,1 mln dollar kelesı üş kezeŋde tölenedı.
Kütıluınşe, būl qadamdar Auǧanstandaǧy toqtap tūrǧan damu jobalaryn qaita ıske qosyp, jaŋa jūmys oryndaryn aşuǧa jäne eldıŋ ekonomikalyq ahualyn jaqsartuǧa sep bolmaq.
Ekonomikalyq sarapşy Mir Şakib Mir būl şeşımdı oŋ baǧalady.
«Respublikalyq kezeŋde jūmys ıstep, aqy ala almaǧan kompaniialarǧa qaryzdy öteu – halyqaralyq donorlardyŋ senımın qaita qalyptastyruǧa baǧyttalǧan öte maŋyzdy qadam», dedı ol.
Sarapşylardyŋ pıkırınşe, «Taliban» bilıgı Auǧanstan ekonomikasyn tūraqtandyru jäne damytu üşın halyqaralyq qarjy ūiymdarymen qaita bailanys ornatuǧa barynşa küş saluy qajet.
Aita keteiık, Düniejüzılık bank «Taliban» qozǧalysy bilıkke kelgennen keiın Auǧanstanǧa kömek körsetu baǧdarlamasyn uaqytşa toqtatqan bolatyn. 2020 jyldan berı bank Auǧanstandaǧy qalpyna keltıru jäne damu
Düniejüzılık bank ūiymynyŋ erejesı boiynşa, qarjylai kömek tek 189 müşe eldıŋ barlyǧy zaŋdy dep tanyǧan ükımetke ǧana berıledı.
2025 jylǧy säuırdegı esebınde bank Auǧanstan ekonomikasy baiau qalpyna kelıp jatqanyn, bıraq bolaşaǧy belgısız ekenın atap öttı. 2024 jyly eldıŋ IJÖ 2,5%-ǧa ösken, negızınen auyl şaruaşylyǧy, ken öndıru jäne qūrylys salalarynyŋ esebınen. Alaida jan basyna şaqqandaǧy tabys artpaǧan, jastar men äielder arasynda jūmyssyzdyq pen azyq-tülık tapşylyǧy älı de ötkır mäsele küiınde qalyp otyr.
İmporttyŋ köbeiuı sauda tapşylyǧyn arttyrdy, al syrtqy kömektıŋ azaiuy ekonomikanyŋ osaldyǧyn küşeittı. Banktıŋ mälımdeuınşe, bank jüiesı älsız, ışkı tabys jetkılıksız. Sondyqtan şūǧyl reformalar, jeke sektordy qoldau jäne jastar men äielderge arnalǧan jūmys oryndaryn köbeitu— eldıŋ ūzaq merzımdı tūraqtylyǧy men damuy üşın basty mındet.
