Äleumettık jelılerde Bas prokuraturanyŋ Jambyl oblysy boiynşa qūqyq qorǧau organdarynyŋ qyzmetın üilestıru departamentınıŋ qazırgı qyzmetkerı Äliia Qojabekovanyŋ beineündeuı tarady. Ol videoda Qazaqstan Prezidentı Qasym-Jomart Toqaevqa ündeu joldap, basşylyq tarapynan zaŋsyz äreketterge jol berılıp jatqanyn mälımdedı, dep habarlaidy “Adyrna” ūlttyq portaly.
Qojabekovanyŋ aituynşa, departament basşylyǧy Bırıŋǧai tergeu tızılımınen keibır mälımetterdı
qasaqana joiyp, ışkı ıster organdarynyŋ qylmystardy aşu statistikasyna äser etude.
Ol 2013 jyly bolǧan oqiǧany baiandap berdı.
"Men eŋbek demalysyna ketkenmın. Sol uaqytta departament qyzmetkerlerı mälımetter bazasynan qylmystyq jauapqa tartylǧan adamdar turaly aqparatty öşırıp tastaǧan. Eŋbek demalysynan kelgennen keiın qyzmettık tekserıs jürıp, menı kınälı etıp, menı bölım basşysy qyzmetımnen alyp tastady. Men sotqa jügınıp, jeŋdım. Sodan berı maǧan jūmysta kün körsetpeidı. Menı kışkentai balammen bırge ärtürlı audandarǧa "jer audaryp" jebırgendei boldy", deidı Äliia Qojabekova.
Onyŋ sözınşe, basşylyq būl jaittan habardar bolǧan. Äliia 11 jyldan keiın Qūqyq qorǧau organdarynyŋ qyzmetın üilestıru departamentıne oralǧan.
"Qaityp kelgenımde bırıŋǧai tergeu tızılımınen keibır mälımetterdı qasaqana joiu derekterı älı bolyp jatqanyn anyqtadym", deidı Äliia.
Ūqsas jaŋalyqtar
Onyŋ aituynşa, būl qyzmetkerler öz äreketterın aqtau üşın Jambyl oblystyq polisiia organdarynyŋ prokuraturaǧa joldaǧan raporttaryn syltau etken. Alaida, köp jaǧdaida būl kümändı raporttar prokuraturanyŋ keŋsesıne (kanseliariiasyna) mülde tırkelmegen de bolatyn, iaǧni resmi türde qabyldanbaǧan.
Ol ıske qatysy bar bırneşe basşynyŋ atyn ataidy. Qojabekovanyŋ aituynşa, Bas prokurordyŋ qūjat ainalymy boiynşa būiryǧyna säikes, qūqyqtyq statistika organdaryna barlyq qūjattar tek «Qadaǧalau» aqparattyq jüiesı arqyly ǧana joldanuy tiıs. Alaida būl talap jiı elenbei, rūqsatsyz tüzetuler engızılgen, jäne būl ışkı ıster organdarynyŋ "jaqsy" statistikasyn qamtamasyz etuge baǧyttalǧan.
"Būl äreketterge menı kınälı etpek boldy, bıraq olar ony jüzege asyra almady, sebebı eŋ bırınşı bolyp men özım basşylyqqa raportpen jügındım", deidı Äliia Qojabekova. Onyŋ aituynşa, derekter bazasynan eşqandai negızsız qūjattarsyz qalta ūrlyqtary turaly ıster joiylǧan, sondai-aq qoǧamdyq oryndarda jasalǧan qylmystar, mas küide jasalǧan qūqyqbūzuşylyqtar da esepten alynyp tastalǧan.
