Japonııanyń Osaka shyǵanaǵynda ornalasqan Kansaı halyqaralyq áýejaıy ınfraqurylymnyń salmaǵyna baılanysty sý basý qaýpine tap boldy, dep habarlaıdy "Adyrna" ulttyq portaly The Daily Mail basylymyna siltep.
1994 jyly 20 mıllıard dollar qarjyǵa salynǵan áýejaı jyl saıyn 30 mıllıonnan astam jolaýshyǵa qyzmet kórsetip keledi. Ol Japonııanyń qurlyq bóligimen 3,75 shaqyrymdyq kópir arqyly baılanysady. Jobalaýshylar jer silkinisiniń yqtımaldyǵyn eskerip, ushý-qoný jolaqtaryna arnaıy asfaltbeton qospasyn qoldanǵan. Bul qospa joldyń serpimdiligin arttyryp, onyń deformaııaǵa tózimdiligin qamtamasyz etedi.
Alaıda qazirgi ýaqytta áýejaıdyń basty máselesi – onyń óz salmaǵy bolyp otyr. Áýejaı teńiz túbinde tunba men balshyq qabattarynda ornalasqandyqtan, ýaqyt ótken saıyn qurylymǵa túsetin qysym áserinen onyń tómendeýi baıqalýda. Bastapqyda ınjenerler áýejaıdyń 50 jyl ishinde 8 metrge deıin tómendeıtinin boljaǵan, alaıda búgingi tańda onyń deńgeıi 11,5 metrge tómendegen. Eger bul úrdis jalǵasa berse, 2056 jylǵa qaraı áýejaı tolyǵymen sý astyna ketýi múmkin.
Kansaı áýejaıy álemdegi eń uzyn termınal ǵımaratymen tanymal. Onyń uzyndyǵy 1,7 shaqyrymdy quraıdy. Áýejaıdyń erekshe júk óńdeý kórsetkishterimen de dańqy shyqqan. Qoldanysqa berilgennen beri jolaýshylardyń eshqandaı júkteri joǵalmaǵan.
