Japonııa men Ońtústik Koreıanyń buqaralyq aqparat quraldary Phenıannyń qurlyqaralyq ballıstıkalyq zymyran ushyrǵanyn málimdedi, dep habarlaıdy "Adyrna" ulttyq portaly.
Japonııa qorǵanys mınıstrligi bul zymyran ushý uzaqtyǵy jaǵynan buryn-sońdy bolmaǵan kórsetkishke jetkenin málimdedi.
Soltústik Koreıanyń zymyran ushyrǵany týraly 31 qazanda Ońtústik Koreıa áskeri de habarlady. Ońtústik Koreıanyń Birikken shtab bastyqtary komıteti qysqa málimdemesinde ushyrý beısenbi kúni tańerteń bolǵanyn rastady.
NHK telearnasy Japonııa qorǵanys mınıstrligine silteme jasap, Soltústik Koreıa zymyranynyń ushý uzaqtyǵy barlyq ýaqyttaǵy eń uzaqqa sozylyp, shamamen bir jarym saǵatqa jetkenin habarlady. Eldiń premer-mınıstri ulttyq qaýipsizdik keńesin shaqyrǵanyn málimdedi.
Japonııa qorǵanys mınıstriniń aıtýynsha, Soltústik Koreıa zymyranynyń ushý bıiktigi 7 000 kılometrden asyp, barlyq ýaqyttaǵy eń joǵarǵy kórsetkishke jetken.
Bul ushyrý Ońtústik Koreıa áskerı barlaýynyń Soltústik Koreıa jetinshi ıadrolyq synaqqa daıyndyqty aıaqtap, AQSh aýmaǵyna jetýge qabiletti uzaq qashyqtyqqa arnalǵan zymyrandy synaqtan ótkizýge jaqyn degen habarynan bir kún ótken soń jasaldy.
