Qaraǵandy oblysynda Uly Otan soǵysyndaǵy Jeńistiń 80 jyldyǵyna arnalǵan «Meniń Jeńis tarıhym» patrıottyq onlaın-akııasy bastalyp, oblys turǵyndary, oqýshylary jáne jastary áleýmettik jelilerde belsendilik tanytýda. Olar soǵysqa qatysqan týystarynyń jáne tyl eńbekkerleriniń sýretterimen belsendi túrde bólisip, olardy qysqasha otbasylyq áńgimelerimen, estelikterimen jáne muraǵattyq sýretterimen jarııalaýda.
Qaraǵandy qalasynyń turǵyny Alııa Iskakova óziniń atasynyń ómir baıany týraly qysqasha aqparatpen bólisti: «Iskakov Ahmetjan Iskakovıch Jezqazǵan oblysy, Aqadyr aýdanynyń Óspen kentinde 1920 jyly týǵan. 1940 jyly ásker qataryna shaqyryldy. Qorshaýdaǵy Lenıngradty bosatýǵa qatysty. Qyzy Armııanyń atqyshtar vzvodynda bolǵan. II dárejeli Otan soǵysy ordenimen marapattalǵan. 1943 jyly soǵysta alǵan kontýzııaǵa baılanysty bosatyldy. Bosatylǵannan keıin keıin muǵalim bolyp jumys istep, mektepte algebra, geometrııa jáne fızıka pánderinen sabaq berdi».
Áleýmettik jeliniń bir qoldanýshysy Móldir Erbolatqyzy atasynyń aǵasy týraly áńgimelep berdi: «Meniń atam, Dıýsembaev Ershora — erliktiń, namystyń jáne týǵan jerge degen adaldyqtyń úlgisi. 1941 jyldyń shildesinde maıdanǵa attanyp, Uly Otan soǵysynyń aýyr kúnderinde eli men jerin erlikpen qorǵady. Kýrsk túbindegi jáne Harkov úshin shaıqastarda asqan batyrlyq tanytqandardyń biri. «Katıýsha» artıllerııalyq qondyrǵysynyń komandıri retinde jaýǵa qarsy qaımyqpaı shaıqasty. 1943 jyly qazan aıynda aıaǵynan aýyr jaraqat alǵanyna qaramastan, rýhy synbady. Onyń erligi «Dańq» ordenimen, «Otan soǵysy» ordenimen jáne «Eren eńbegi úshin» medalimen marapattaldy».
Uly Otan soǵysy jyldarynda Qaraǵandy oblysynan maıdanǵa 45 myńǵa jýyq adam attandy. Olardyń 18 myńǵa jýyǵy týǵan jerine oralmady. Alaıda olardyń árqaısysynyń erligi men janqııarlyǵy urpaq júreginde máńgi saqtalady.
Eren erligi men qaısarlyǵy úshin 18 qaraǵandylyq jaýyngerge Keńes Odaǵynyń Batyry ataǵy berildi. Al 6587 sarbaz ordender men medaldarmen marapattalyp, el tarıhynda óshpes iz qaldyrdy.
«Meniń jeńis tarıhym»— bul jaı ǵana akııa emes, bul ata-babalarymyzdyń erligine degen shynaıy qurmet.
Bul bastama arqyly biz ár otbasynyń jeńis jolyn eske túsirip, soǵys jyldaryndaǵy batyrlyq pen tabandylyqty jańǵyrtamyz. Árbir estelik — bul urpaqtar arasyndaǵy baılanys, maqtanysh pen rýhtyń kórinisi.
