Qytaı kompanııasy Shymkentte qoqys órteıtin zaýyt salady. Bul týraly prezıdent Qasym-Jomart Toqaevtyń qalaǵa jumys sapary barysynda aıtyldy, dep habarlaıdy ”Adyrna” ulttyq portaly.
Aqorda málimetinshe, Qasym-Jomart Toqaev «Shymkent City» saıabaǵyn aralap kórgen. Prezıdent saıabaqtyń aýmaǵy 20 gektardan asatyn parktegi sýburqaq pen jasandy toǵanyn, amfıteatr men landshaftty alleıalaryn, vorkaýt jáne skeıt alańdaryn aralap kórgen.
Ákimdik ókilderi parktiń ekologııalyq jaǵdaıdy jaqsartyp, qala turǵyndaryna qolaıly orta qalyptastyrý úshin aldaǵy jyldary 1 mıllıon túpten astam aǵash kósheti otyrǵyzylatynyn aıtqan.
Sonymen birge ákimdik ókilderi shahardaǵy 12 saıabaqty abattandyrý, sondaı-aq gúlzarlardy, Qoshqar ata ózeniniń jaǵalaýy men aryqtardy tazalaý jumystary júrip jatqanyn, burynǵy qoqys polıgonynyń ornynda Ekopark salynatynyn málimdegen.
Al qalany qoqystan tazartý úshin qalada qoqys órteıtin zaýyt salynady. Bul jobany qytaılyq Shaanxi Construction Engineering kompanııasy júzege asyrady.
«Prezıdentke qoqys órteý zaýytynyń jobasy tanystyryldy. Zaýyt táýligine 1 myń tonnaǵa deıingi qatty turmystyq qaldyqtardy qaıta óńdep, elektr energııasyn óndire alady», – delingen Aqorda habarlamasynda.
