Qaraǵandy ákimdiginiń qoldaýymen «Taza Qazaqstan» respýblıkalyq ekologııalyq akııasy aıasynda qalada Qurylysshylar dańǵylynyń 5 shaqyrymynan astam – Muqanov kóshesinen Shahterler dańǵylyna deıingi ýchaskesinde sanıtarlyq tazartý naýqany ótti.
Bul bastama 100-den astam qaraǵandylyqtardy biriktirdi: eriktiler, jeke uıymdardyń qyzmetkerleri, kommýnaldyq qyzmetterdiń qyzmetkerleri, jurtshylyq ókilderi jáne jaı ǵana janashyr turǵyndar.
Akııaǵa qatysýshylar qoqysty, japyraqtardy, butaqtardy jınap, trotýarlar men jol jıekterin qysta jınalǵan qoqystan tazartty.
– Biz «Taza Qazaqstan» bastamasyn belsendi túrde qoldaımyz, óıtkeni tazalyq pen abattandyrý – bul kommýnaldyq qyzmetterdiń ǵana emes, ár turǵynnyń jaýapkershiligi. Búgingi akııa qaraǵandylyqtardyń ortaq is úshin birigýge daıyn ekenin kórsetti. Mundaı is-sharalar qoǵamda qorshaǵan ortaǵa qamqorlyq jasaý mádenıetin qalyptastyrady jáne azamattyq jaýapkershilikti tárbıeleıdi dep senemin, – dep esepteıdi eko erikti Zanǵar Serikov.
Ekologııalyq akııalar qala kósheleriniń sanıtarlyq jaǵdaıyn jaqsartyp qana qoımaı, qoǵamnyń birigýine jáne eriktiler qozǵalysynyń damýyna yqpal etedi.
