Qyzyltastyń biregeı petroglıfteri memleket qorǵaýyna alyndy. 3 qazan kúni Jetisý oblysynda birqatar ataýly sharalar uıymdastyryldy.
Atap aıtsaq, «Taza Qazaqstan» ekologııalyq akııasy aıasynda búgin Taldyqorǵan qalasynda «Qyzyltas – tasbaqa» ekologııalyq akııasy ótti. Is-sharaǵa oblys ákiminiń orynbasary Dıas Esdáýletov, qala ákimi Ernat Bázil, qoǵam belsendileri, óńir jastary, eko-eriktiler, «Jasyl el» eńbek jasaqtary qatysty.
Shara barysynda Qyzyltas aýmaǵyndaǵy biregeı petroglıfter jergilikti mańyzy bar qorǵalatyn tarıhı-mádenı nysandar tizimine engizilgendigi týraly taqta ornatyldy.
Osy oraıda óńirdiń ekobelsendisi Dınara Bakırova tasqa qashalǵan petroglıfterdi tarıhtan syr shertetin eskertkish retinde qorǵaýǵa alǵany úshin Memleket basshysy men oblys basshylyǵyna óz alǵysyn bildirdi.
Eske salar bolsaq, osynyń aldynda oblys ákimi Beıbit Isabaev ekologtarmen, qala turǵyndarymen, quzyretti memlekettik organdarmen birlesip, «Tasbaqa» taýy men jartastaǵy petroglıfterdi saqtaý boıynsha qajetti sharalar qabyldaǵanyn, karerdi ıgerý zań aıasynda toqtatylǵanyn, birlesken kúsh-jigerdiń arqasynda bul máseleniń sheshimi tabylǵanyn málimdegen bolatyn.
«Qazaqstan stýdentter Alıansy» Jetisý oblysy boıynsha fılıalynyń tóraǵasy, ekovolonter Eskendir Amandos: «El kóleminde ótkizilip jatqan aýqymdy tazalyq akııasy – asa mańyzdy naýqan. Jastar ǵana emes, aǵa býyn – ardagerlerdiń, orta býyn – el aǵalarynyń, jas urpaqtyń ıyq tiresýimen birge atqarylyp jatqan tazalyq sharalary týǵan elge degen shynaıy súıispenshiliktiń dáleli ispettes. Mundaı is-sharalar óskeleń urpaqtyń týǵan ólkeniń tabıǵaty men tarıhyna degen súıispenshiligin, jer aldyndaǵy jaýapkershiligin óte jaqsy tárbıeleıdi jáne adamdardyń ekologııalyq saýattylyǵyn arttyrady!»
Sonymen qatar, Tekeli qalasynda Qazaqstan Jazýshylar odaǵynyń múshesi Torǵyn Turlybaevamen «Jan men tánniń tazalyǵy – rýhanı tazalyqtyń ózegi» atty dóńgelek ústel ótti. Is-sharada qala jastary, eko-eriktiler bas qosty. Dóńgelek ústel barysynda jastar tabıǵatqa uqypty qaraý, qorshaǵan ortany taza ustaý jóninde pikir almasty.
Jetisý oblysynda «Taza Qazaqstan» tazalyq akııasy aıasynda tazalyq sharalary turaqty úrdiske aınalyp, jalǵasyn taýyp keledi. Turǵyndar tarapynan zor qoldaýǵa ıe bolǵan ekologııalyq sharaǵa búginde 200 myńǵa jýyq adam at salysyp, túrli tazalyq sharalaryna qatysýda belsendiligin tanytýda.
Jalpy «Taza Qazaqstan» tazalyq akııasyn ótkizýge Jetisý oblysy boıynsha jalpy sany 1 611 tehnıka jumyldyryldy. Nátıjesinde 7 793 tonna qoqys shyǵarylyp, 30 726 túp aǵash otyrǵyzyldy.
