Erlan Nyǵmatýlın men Nurjan Nurlanovqa reıderlikke baılanysty túsken aryzdar qazirgi ýaqytta qaralyp jatyr, dep habarlaıdy "Adyrna" ulttyq portaly Bas prokýratýraǵa siltep.
Bas prokýrordyń orynbasary Ǵalymjan Qoıgeldıev Senat kýlýarynda málimdedi.
"Nurlan men Erlan Zaırýllaulyna qatysty reıderlikke baılanysty aryzdar tústi. Qazirgi kezde olar qaralýda. Qandaı da bir naqty málimet berý erte. Al Arǵyn Nyǵmatýlınge kelsek, ol – bıýdjettik qarjyny jymqyrý deregi boıynsha tergelip jatqan istiń fıgýranty. Qaraǵandy oblysyna hokkeı klýbyna bólingen qarjyǵa baılanysty tergeý júrip jatyr. Ol halyqaralyq izdeýde. Ornalasqan jeri anyqtalǵan soń, ekstradıııa máselesi qaralady", – dedi Qoıgeldıev.
Arǵyn Nyǵmatýlın – májilistiń eks-spıkeri Nurlan Nyǵmatýlınniń aǵasy. 2024 jyldyń sońynda oǵan qatysty is Bas prokýratýraǵa berilgen. Ol 12 jylǵa deıin bas bostandyǵynan aıyrý jazasyn qarastyratyn bap boıynsha aıyptalyp otyr. 2025 jyldyń 6 naýryzynda Arǵyn Nyǵmatýlıng halyqaralyq izdeýge jarııalandy. Alaıda Interpoldyń ashyq bazasynda onyń aty-jóni ázirge tirkelmegen.
Eske salsaq, Nıgmatýlınderge qatysty reıderlik áreketterge baılanysty aıyptaýlar birneshe ret aıtylǵan. 2024 jyldyń naýryzynda franshıza ıesi Natalıa Ovdeıchýk pen onyń kúıeýi Erlan Nyǵmatýlındi bıznesin tartyp almaq boldy dep aıyptap, aryz túsirgen. Bul fakt boıynsha qylmystyq is qozǵalǵan.
Sonymen qatar, 2025 jyldyń 1 sáýirinde Nurjan Nurlanovqa qatysty da reıderlikke baılanysty is qozǵalǵany habarlandy. Degenmen, 9 sáýirde onyń bul is boıynsha kúdikti retinde tanylmaǵany belgili boldy. Májilis depýtaty bul jaǵdaıdy quzyrly organdardyń salǵyrttyǵymen baılanystyrdy.
Aıta keteıik, naýryz aıynda Ermurat Bapı Nyǵmatýlınderge qatysty pikirin bildirgen edi.
"Meniń oıymsha, Nyǵmatýlınniń osy ýaqytqa deıin elden boı tasalap júrýi - beker emes. Ol neden qorqady? Nege ol elde emes? Nege shetelde júr? Demek ol bir nárseden qorqady. Demek ol bir nárse búldirdi. Endi ony aqtap shyǵý maqsatynda tapsyrystar túsip jatyr", - dep jaýap bergen depýtat QazTAG tilshisiniń suraǵyna.
