Üş ailyq säbi bar. Jambyl oblysynda balalar jappai ulanǧan

17 nauryzda Merkı auylynda ornalasqan «Nūrai» mektepke deiıngı bılım beru ortalyǧynyŋ 10 tärbielenuşısı jūqpaly aurular bölımıne jetkızılgen. Zardap şekkender arasynda üş ailyq säbi men mektep oquşylary bar, dep habarlaidy "Adyrna" ūlttyq portaly.  Aimaq äkımdıgınıŋ baspasöz qyzmetınıŋ mälımetınşe, qazırgı uaqytta auruhanada 14 bala men bır eresek adam em qabyldap jatyr. Toǧyz bala üi jaǧdaiynda em aluda. Taǧy bır bala jan-jaqty tekseru men ärı qarai em qabyldau üşın oblystyq ortalyqqa jetkızılgen. Toǧyz balada jedel ışek infeksiiasy, bıreuınde enterovirustyq infeksiia anyqtalǧan. «Auruhanaǧa jetkızılgenderdıŋ arasynda balabaqşanyŋ 10 tärbielenuşısı, üş ailyq säbi jäne üş mektep oquşysy bar», – dep habarlady Jambyl oblysy äkımdıgı. Oblys äkımı Erbol Qaraşökeev oqiǧanyŋ sebepterın zertteu üşın jūmys tobyn qūrudy tapsyrdy. Top müşelerı balalardyŋ üilerıne baryp, olardyŋ jaǧdaiyn anyqtap, ata-analarymen sūhbattasuda. «Merkı audandyq sanitarlyq-epidemiologiialyq baqylau basqarmasy tekseru jürgızıp, barlyq qajettı synamalardy aldy. Qazır mamandar saraptama qorytyndysyn kütude», – dep mälımdedı äkımdık ökılderı. Qaraşökeev būl jaǧdaidy jeke baqylauyna alatynyn aityp, kınälılerdıŋ jauapqa tartylatynyn eskerttı. Ortalyqtyŋ qyzmetı ekı künge toqtatylǧan. Ǧimaratta dezinfeksiia jūmystary jürgızılude.