Qazaqstan Respýblıkasynyń syrtqy ister mınıstri Murat Nurtileý men AQSh-tyń memlekettik hatshysy Marko Rýbıo telefon arqyly sóılesti, dep habarlaıdy “Adyrna” ulttyq portaly.
Negizgi taqyryp — eki el arasyndaǵy strategııalyq áriptestik jáne ekonomıkalyq baılanystardy damytý boldy.
QR SIM resmı málimetine sáıkes, taraptar saıası dıalog pen ekonomıkalyq qarym-qatynasty nyǵaıtý máselelerin talqylap, jahandyq qaýipsizdik pen óńirlik turaqtylyqqa qatysty pikir almasty. Sondaı-aq turaqty baılanystardy saqtaýǵa ýaǵdalasty.
AQSh Memlekettik departamenti taratqan aqparatqa sáıkes, Marko Rýbıo Qazaqstannyń ekonomıkalyq ártaraptandyrý men ashyqtyqqa umtylysyn qoldaıtynyn bildirdi. AQSh energetıka, telekommýnıkaııa jáne sırek metaldar sektorynda Qazaqstanmen áriptestikti keńeıtýdi kózdeıdi.
