Almaty ákimi Erbolat Dosaev Memleket basshysynyń tapsyrmasymen Ábdiraıym Musa Saıranbaıulyn tótenshe jaǵdaıda kórsetken batyldyǵy men janqııarlyǵy úshin «Erligi úshin» medalimen marapattady, dep habarlaıdy "Adyrna" ulttyq portaly.
Sondaı-aq, batyr azamatqa aqshalaı syıaqy tabys etildi.
52 jastaǵy Musa Ábdiraıym Almaty halyqaralyq áýejaıynda jolaýshy retinde tekserý aımaǵyna kirgen qylmyskerdiń qolyndaǵy pyshaqty tartyp alyp, áýejaı qyzmetkeriniń ómirin qutqaryp qalǵan.
«Qazaqstan Prezıdenti Qasym-Jomart Kemelulyna zor kóńil bólip, qurmet kórsetkeni úshin alǵysymdy bildiremin. Bizdiń elde árqashan beıbitshilik, kelisim men órkendeý bolsyn!» – dedi marapat ıesi.
