"Sailanbaǧan diktator". AQŞ prezidentı Tramp Zelenskiidı aiyptady

AQŞ prezidentı Donald Tramp Ukraina basşysy Vladimir Zelenskiidı soǧysty tez arada toqtatuǧa şaqyryp, ony sailau ötkızuden bas tartqany üşın aiyptady, dep habarlaidy "Adyrna" ūlttyq portaly. Tramptyŋ aituynşa, Zelenskii tek "myqty komik" retınde tanylǧan jäne onyŋ Ukrainadaǧy reitingı 4% ǧana. Ol Zelenskiidıŋ AQŞ-ty jeŋu mümkın emes soǧysqa 350 milliard dollar jūmsauǧa köndırgenın synap, būl soma Europanyŋ qarjylai qoldauynan 200 milliard dollarǧa artyq ekenın aitty. Sonymen qatar, AQŞ būl qarajatqa eşqandai kepıldık almaǧanyn alǧa tartty. Tramp Ukraina basşysyn bölıngen qarajattyŋ bır bölıgın joǧaltyp jıberdı dep aiyptap, sailau ötkızbei, bilıkte qalu üşın türlı aila qoldanǧanyn jetkızdı. Onyŋ pıkırınşe, Ukraina basşysy Reseimen beibıt kelıssözder jürgızuge qarsy äreket etude. "Sailanbaǧan diktator Zelenskii tez äreket etuı kerek, äitpese onyŋ elınen tük qalmaidy. Būl arada bız Reseimen soǧysty toqtatu turaly sättı kelıssözder jürgızıp jatyrmyz. Sebebı bärı mūny tek Tramp pen Tramp äkımşılıgı jasai alatynyn moiyndaidy", – dedı ol. TASS mälımetınşe, Zelenskii Tramptyŋ aiyptaularyn joqqa şyǧardy. Ukrainada jürgızılgen äleumettık saualnamaǧa säikes, el tūrǧyndarynyŋ 57%-y oǧan senım bıldıredı. Zelenskii Tramptyŋ Ukrainany Saud Arabiiasyndaǧy kelıssözderge qatystyrmaǧanyn synǧa aldy jäne onyŋ Resei tarapynan taraǧan jalǧan aqparatqa sengenın aitty. Tramptyŋ būl mälımdemelerı Europada, äsırese Germaniiada alaŋdauşylyq tudyrdy. Germaniia kanslerı Olaf Şols AQŞ-tyŋ kelıssözderdegı ūstanymyn özgertkenın mälımdep, Ukraina būl prosestıŋ negızgı qatysuşysy boluy kerek ekenın aitty. AQŞ-tyŋ vise-prezidentı Djei Di Vens Zelenskiige Tramppen qoǧamdyq qaqtyǧystardan saqtanuǧa keŋes berdı, sebebı būl jaǧdaidy odan ärı şielenıstırıp jıberuı mümkın. Sonymen qatar, Kievke Tramptyŋ arnaiy ökılı Kit Kellog keldı, būl mäselenıŋ AQŞ üşın maŋyzdylyǧyn körsetedı. Aita keteiık, būǧan deiın Resei prezidentı Vladimir Putin Tramppen kezdesuge daiyn ekenın mälımdegen edı.