13 aqpanda Qostanaı oblysy, Qamysty aýdanynyń ortalyǵynda aýdan ákimdigi alańynda jumysshy jańa jyldyq bıiktigi bes metrlik syrǵanaqty bólshekteý kezinde bıiktikten qulap, qaza tapty, dep habarlaıdy "Adyrna" ulttyq portaly.
Áleýmettik jelide er adamnyń aýdandyq aýrýhananyń jansaqtaý bóliminde shamamen 23:00-de qaıtys bolǵany týraly aqparat tarady.
"Mamandar jumystar júrgizý kezinde qaýipsizdik tehnıkasy erejeleriniń buzylǵan-buzylmaǵanyn anyqtaýda. Eńbek qaýipsizdigi erejelerin buzý saldarynan adam ólimine ákelgen jaǵdaı boıynsha sotqa deıingi tergeý bastaldy. Oqıǵanyń barlyq mán-jaıy anyqtalýda", – dep málimdedi Qostanaı oblysy polıııa departamentiniń baspasóz qyzmeti.
Sonymen qatar, bul qaıǵyly oqıǵaǵa oblystyq densaýlyq saqtaý basqarmasy da pikir bildirdi.
"13 aqpan kúni saǵat 19:22-de Qamysty aýdandyq aýrýhanasynyń qabyldaý bólimine 1966 jyly týǵan naýqas jetkizildi. Onyń dıagnozy – "omyrtqa men jambas súıekteriniń kóptegen synyǵy jáne 1-2 dárejeli jaraqattyq shok. Naýqastyń jaǵdaıy aýyr bolǵandyqtan, jansaqtaý bólimine jatqyzyldy. Medıınalyq tekserý men emdeý hattamaǵa sáıkes júrgizildi. Sot-medıınalyq saraptama nátıjesinde naýqastyń alkogoldik masań kúıde bolǵany anyqtaldy. Ókinishke qaraı, saǵat 22:40-ta bıologııalyq ólim tirkeldi", – dep habarlady dárigerler.
