Ózbekstan AQSh-qa 2021 jyly aýǵandyqtar alyp qashqan jeti Black Hawk tikushaqtaryn qaıtardy, dep habarlaıdy "Adyrna" ulttyq portaly golosameriki saıtyna siltep.
Ózbekstan bıligi AQSh-qa 2021 jyly aýǵandyq áskerı ushqyshtar alyp qashqan jeti Black Hawk tikushaǵyn qaıtardy.
Aýǵanstan bıligin basyp alǵan Talıban bul áskerı tehnıkany ózderine qaıtarýdy talap etken edi. Burynǵy AQSh prezıdenti Donald Tramp ta Aýǵanstanda qalǵan amerıkalyq qarý-jaraqty qaıtarýǵa shaqyrǵan.
Pentagonnyń málimetinshe, bul tikushaqtar Talıbannyń shabýylynan qashqan aýǵan ushqyshtarymen birge 2021 jyly Ózbekstanǵa qonǵan. AQSh olardy sońǵy kúnderi keri alyp ketken.
CSIS strategııalyq zertteý ortalyǵynyń spýtnıktik sýretterine súıensek, Talıbannyń shabýyly kezinde Ózbekstan shekarasynda 45-ten astam aýǵan áskerı ushaǵy baıqalǵan.
Qazirgi tańda AQSh-tyń burynǵy áskerı tehnıkalarynyń basym bóligi Talıbannyń qolyna ótken.
